影片
更多
2020-10-19
186 瀏覽
今晚嚟到岩浪天扶良日本料理，同個鍾意食日本料理嘅朋友聚下餐。我哋都不約而同選咗 $1,380 嘅「金会席」，包括前菜、冷物、刺身、湯、熱食、天婦羅、壽司、同埋甜品，實在係極為豐富、包羅萬有。我哋雖然點了同一個「金会席」，但所享用的食物不盡相同，呢個都係餐廳嘅細心之處吧。朋友唔係相機食先嘅人，所以我亦只好介紹自己所享用嘅食物。前菜包括有：明太子芋絲、魚籽豆腐、九繪魚啫喱。由左至右、由淡到濃，味道清而開胃，真是敲開我的食慾而準備嘅前菜☺️。冷物係紫淮山配蕃茄。呢次係第一次食紫淮山，大概亦是創意之作🤔，紫淮山食落很爽、幾有咬口，同蕃茄搭配，口感均勻。刺身有左口、象拔蚌、九繪、太刀、野生拖羅、慢煮鮟鱇魚肝。其中燒香嘅太刀魚帶出咗魚香味🤤；野生嘅拖羅肌肉含量較高、肉質較硬，但魚味更濃，啱晒我食🤩；慢煮鮟鱇魚肝入口即溶、口感豐富幼滑，難怪日本關東人會稱之為「人間極品」，果然可以媲美法國鵝肝呢😋！湯係松茸大蜆湯。松茸不愧有「菇中之王」嘅美號，未飲呢個湯之前，已傳來陣陣清新嘅香氣，湯本身係偏清淡的，但我才不介意，才不想湯掩蓋咗松茸嘅香氣🤫。大蜆肥美偏清淡，恰如其分作為配角😀。熱食係油甘魚魚鮫。肉質結實有
我哋雖然點了同一個「金会席」，但所享用的食物不盡相同，呢個都係餐廳嘅細心之處吧。朋友唔係相機食先嘅人，所以我亦只好介紹自己所享用嘅食物。
前菜包括有：明太子芋絲、魚籽豆腐、九繪魚啫喱。由左至右、由淡到濃，味道清而開胃，真是敲開我的食慾而準備嘅前菜☺️。
冷物係紫淮山配蕃茄。呢次係第一次食紫淮山，大概亦是創意之作🤔，紫淮山食落很爽、幾有咬口，同蕃茄搭配，口感均勻。
刺身有左口、象拔蚌、九繪、太刀、野生拖羅、慢煮鮟鱇魚肝。其中燒香嘅太刀魚帶出咗魚香味🤤；野生嘅拖羅肌肉含量較高、肉質較硬，但魚味更濃，啱晒我食🤩；慢煮鮟鱇魚肝入口即溶、口感豐富幼滑，難怪日本關東人會稱之為「人間極品」，果然可以媲美法國鵝肝呢😋！
湯係松茸大蜆湯。松茸不愧有「菇中之王」嘅美號，未飲呢個湯之前，已傳來陣陣清新嘅香氣，湯本身係偏清淡的，但我才不介意，才不想湯掩蓋咗松茸嘅香氣🤫。大蜆肥美偏清淡，恰如其分作為配角😀。
熱食係油甘魚魚鮫。肉質結實有彈性，鹽燒亦都令佢嘅油脂香味出晒嚟。在配合蘿蔔蓉嘅酸汁，根本就係挑戰我味覺嘅層次感受👍。
天婦羅有花竹蝦、目光魚、鮑魚。先要讚賞整個天婦羅製作、處理都非常之好，沒有為吸油紙留下一滴油，而食物本身嘅鮮味就完美留下來👏👏。花竹蝦肉質結實彈牙，味道鮮甜🤤；目光魚魚脂融入其魚肉之中，令我品嚐到肉質嫩滑嘅極上口感🤤🤤；鮑魚雖然係我最後放入口，但仍然保持咗天婦羅嘅溫度，包含住鮑魚獨有嘅香味同質感🤤。
壽司有鯖魚、筋子、海膽壽司。鯖魚油脂均勻、入口滑膩，充滿魚香；筋子粒粒飽滿，多汁爆漿；海膽味道濃郁、甘甜鮮美。(仲有樣太快食咗，諗唔返係乜🤫)
最後就係甜品：梨、柿、紅豆雪糕。食完魚香濃郁嘅一餐，來一個清新嘅生果、雪糕來清一吓口腔，也是極佳嘅安排呢👍。呢個價錢就眼睇來有點貴，但同朋友都一致認同，食物質素、安排、菜式嘅層次，都絕對對得住個價錢。
張貼
