Home Sweet Home (已結業)

閨蜜約食飯， 佢揀咗太子呢間西餐廳 ，交通方便 ，出咗地鐵站行兩分鐘就到餐廳樓底好高，燈光昏黃 ，播住歌曲 ，入到去使人放鬆坐低侍應已經送上爆谷，好爽😎 打開木製嘅餐牌， 識發光㗎，set dinner前菜都有四樣？唔試唔得呀！精緻嘅前菜放喺木盤上面，有凱薩沙拉·香草手指脆多士， 意大利雜菜濃湯， 細細杯，唔使飲到飽曬食唔落嘢，湯味濃郁。 雞尾酒凍蝦 ，隻蝦夠爽喎。 一人一杯西瓜沙冰 ，夠冰凍閨蜜話想食羊鞍又想食鹹豬手， 突然間食肉獸上身，就曬妳法式羊鞍·肉桂蘋果烤新薯烤羊鞍好嫩好香， 糖心薯同紫薯切得細細粒先烤焗 ，還加添玉桂的香味，正 仲有多多配菜 ，粟米，西蘭花，沙律菜， 唔使怕齋食肉德國咸豬手· 酸椰菜·柚子芥末醬咸豬手份量十足，表皮脆卜卜， 裏面肉質仲好嫩，入味。表面加上柚子芥末醬焗成， 甜甜酸酸，幾特別。 大量酸椰菜，薯仔，大堆頭，大製作一人一杯凍檸水。喺呢度聽住音樂， 傾下心事， 時間過得好快， 各自要返返我哋嘅home sweet home啦😍