Vision 8

荃灣意大利餐廳vision8由經驗豐富的酒店大廚主理，專人嚴選食材以確係新鮮上乘多元化。餐廳位處荃灣鬧市，當晚入座客似雲來，座無虛席。我地點左三道菜，頭盤係鮮蝦芒果他他沙律配蜂蜜蛋黃酱，鮮蝦爽口彈牙，配以清甜的芒果，加上健康的沙律菜，不失為開胃前菜!跟住叫左個清蒸菠菜龍利魚配甜椒汁，龍利魚身扁，骨少，肉嫩，甜椒菠菜健康之選。最後點左蘋果木燒西班牙豬鞍扒，豬鞍是指豬背前六至八條肋骨，豬鞍不但口感較佳，而且肉質鬆化。 脂肪紋路適中，肉質鬆軟而多汁，味道濃郁，配搭青蘋清甜起左中和作用!