影片
更多
2019-09-05
3112 瀏覽
老實講，小弟肚內半點墨水都無，所以，平常都好少逛書店，不過，一講到搞旅行，就自不然會走去書店睇睇有無合用又新嘅旅遊書。比較上，會較多去美麗華商場嘅「商務印」，貪其夠大，而且書種多，逛完書店，又自然要搵個地方食晚飯，就近近晌鄰鋪嘅「 Espresso Alchemy」處理是日晚飯。餐廳嘅環境可以講跟商場空間連成一體，有部份位晌鋪側內，但大部份座就處於鋪外嘅商場空間內，正正就晌扶手電梯之下。但由於餐廳嘅位置屬商場死角位，變相唔會有太多閒雜人經過，環境寧靜。裝修以暖木系，加點工業風烏絲燈，簡約嘅設計，予人柔和、輕鬆之感，更感脫離繁囂。如大多數嘅咖啡店，都會兼營售賣不少咖啡嘅相關產品，故晌餐廳唔同嘅位置，都擺放咗濾杯、咖啡豆……等等物品。晌門口位已放置各樣餐牌，但亦可以拎本餐牌埋位慢慢睇。既然喺咖啡店，主力就梗喺賣咖啡啦，種類十分之多，此外，仲有多款特色飲品、手工啤、朱古力、茶品及梳打……等等。而食物方面，選擇上都喺以貴精不貴多為原則，沙律、多士、意大利麵及數款特色主菜。早午市都有早餐及午餐供應，但晚市就無喇，亦無咩配搭優惠。選購食物採半自助形式，晌收銀處落單後，就由店員將食物送上。蟹肉味噌扁
餐廳嘅環境可以講跟商場空間連成一體，有部份位晌鋪側內，但大部份座就處於鋪外嘅商場空間內，正正就晌扶手電梯之下。但由於餐廳嘅位置屬商場死角位，變相唔會有太多閒雜人經過，環境寧靜。
裝修以暖木系，加點工業風烏絲燈，簡約嘅設計，予人柔和、輕鬆之感，更感脫離繁囂。如大多數嘅咖啡店，都會兼營售賣不少咖啡嘅相關產品，故晌餐廳唔同嘅位置，都擺放咗濾杯、咖啡豆……等等物品。
晌門口位已放置各樣餐牌，但亦可以拎本餐牌埋位慢慢睇。既然喺咖啡店，主力就梗喺賣咖啡啦，種類十分之多，此外，仲有多款特色飲品、手工啤、朱古力、茶品及梳打……等等。
而食物方面，選擇上都喺以貴精不貴多為原則，沙律、多士、意大利麵及數款特色主菜。早午市都有早餐及午餐供應，但晚市就無喇，亦無咩配搭優惠。選購食物採半自助形式，晌收銀處落單後，就由店員將食物送上。
蟹肉味噌扁麵 $123餐牌中幾款意大利麵，就以呢一款覺得頗有特色，加上配蟹肉，喺小弟心水，因為平常食蟹肉要拆蟹肉喺件麻煩事。扁麵睇落似模似樣，又大大碟，不過，由於蟹肉跟扁麵一齊煮，感覺又唔算話好多，所以，唔算話好明顯，反而啲菇菌就非常多；個汁底就調校得非常好，夠晒綿滑，啲扁麵亦煮得恰到好處，保持咬口感，且有蛋香。
Latte $41小弟始終都喺鍾情拿鐵，尤其晌呢啲精品咖啡店，就更要點選咖啡啦。賣相不俗，拉花嘅花紋細緻對稱，小呷一啖，口感及味道都好平均，好有順和感，喺有水準嘅出品。
以為晚市無咩配搭優惠，當落完單俾錢時，原來喺有88折嘅，不過，事後再睇勻啲餐牌都唔覺有印出嚟，加上呢度又無加一，當喺有少少驚喜啦。
張貼
