碗碗香 (已結業)

記得上次途經呢條街，係想試一試果間成日排長龍嘅炸猪扒店，點知就發現呢間小店，所以今次就一心來試。其實講真，內地好多地方嘅野食係好特別，尤其麵食，好多種類，可惜香港人似乎對內地野食有偏見。講返重點，來到後好彩唔洗排隊直接入座，另一樣好彩嘅係如果遲多10分鐘就冇左麵得返粉我叫左貴陽正宗全蛋涼抹麵，bb辣，辣度還可接受，麵質確實特別，味道食落好有係深圳食嘅感覺，配上猪油渣，非常特別。而另一半就叫左貴陽地道紅油牛肉麵，都係bb辣，所用嘅牛肉好有口感，好好食，惊喜之作，十分推薦一試！可能要挑剔嘅係個樓面，我估應該係老闆，服務態度同語氣就認真麻麻。