藥膳刀削麵 (已搬遷) 新店位置

我之前都冇留意呢間野，見到OpenRice寫呢間野係新開，又好似幾平，於是試下，用OpenRice外賣自取有9折，個app寫要等30分鐘，其實15分鐘應該都得。舖頭比較簡陋，一個阿姨一個阿叔負責入單同埋外賣，有個細心位，d外賣全部放入保溫袋，所以我攞到返公司仲係熱辣辣👍🏻今次叫左咖哩牛腩刀削麵，$41，刀削麵粗身唔錯，藥膳湯底都好好味，有陣淡淡人參味，好清唔鹹，我食完都飲埋d湯，牛腩好淋，好正，但咖哩略鹹，另外+$3有紅棗桂圓豆漿，好特別，好好飲，似甜既豆漿。整體來講，性價比高，下次會再試其他。