黑木亭居酒屋 (金馬倫道)

朋友約黎尖沙咀的黑木亭食日本菜，去到門口，發覺餐廳在樓上，上到去別有洞天，同冷清嘅街道比，店內熱鬧非凡。睇睇餐牌，見有好多創意料理，好似好好味喎🤤最後由朋友拍板點左幾樣野食，再加杯靚靚特飲先。⭐山葵滿盤烤肉先來份烤肉盤，有五花腩、肥牛、牛小扒、墨魚腸、甜椒、茄子同菠蘿，仲附上生菜、蔥絲、檸檬同山葵。食法式隨專便，個人就喜歡用生菜夾肉嚟整個生菜包食啦🤤⭐奶油薯條即炸嘅香脆薯條上面放咗牛油，而牛油已經打成忌廉狀，又香又軟滑，估唔到薯條配奶油又咁好食喎。⭐時令海膽紫蘇葉天婦羅最後仲有海膽天婦羅，呢款食法真係第一次，用紫蘇葉包住新鮮海膽，炸起上嚟外層香脆，海膽鮮甜入口即化🤤簡直係人間美味。⭐藍蝶花佛手柑熊茶 & ⭐紅火龍佛手柑熊茶黎坐低傾下偈又點少得一杯靚靚特飲，先嚟打個卡呀😆熊仔可愛，漸層顏色吸睛，濃濃嘅果汁味但飲落不過甜，加上幾片檸檬酸酸地又有檸香，成杯飲品甜甜酸酸好好飲呀。原來嘢食有88折添喎，慳番幾十蚊又抵左👍