東源小廚

營業中

休息中

本身以為喺東源街呢個美食沙漠度已經冇乜嘢特別好食😞，周圍都係地盤，今日生日有朋友推薦我過嚟呢度試吓。冇諗過係意料之外幾好食，啱啱開舖冇幾耐環境幾新淨，老闆都好熱情好客，同老闆講生日仲有播生日歌慶祝，少少尷尬又覺得幾開心幾熱鬧。朋友推薦嘅燒乳豬都好好味😋，燒到卜卜脆，（強烈推薦），各位下次可以試吓。無論係龍蝦伊麵，薑蔥炒蟹都好正，海鮮新鮮，價錢合宜，但係東星班反而略嫌普通，有啲失凖，但大體來講食物質素都唔錯，值得一試。而環境方面，我就覺得環境太偏僻，揾路都搵咗一段時間，但夜晚地盤收工，又反而自成一角，食到飽晒都可以散步行吓，清幽安靜。