影片
更多
2024-01-20
361 瀏覽
今日外出見到呢間外賣餐單，心血來潮想食久違咗嘅梅菜扣肉飯，另外賣多一個鹹魚肉餅飯畀家人，送道地紙包一品，如果加例湯就每碗$5，我依家無加，就承惠$70。兩個飯盒好快包好，返到屋企仲熱辣辣，試食咗家人嘅鹹魚肉餅，鹹魚係實肉鹹魚，如果係梅香就更正，但依家想食呢個飯有梅香鹹魚真係好難，我相信係同貯存問題以及價錢有關係。鹹魚都算大嚿，而味道亦屬中上水平，肉餅就慣例係絞肉，無滲好多粉或水落去，所以肉質結實，都算食得過，當然刴肉就一定好食好多，但人工貴，無辦法，我明。有人話男人的浪漫係豆腐火腩飯，但我就認為為梅菜扣肉飯至真，我認識嘅男士們大都喜歡食梅菜扣肉飯，反而喜歡食豆腐火腩嘅就真係好少。相信好多人都知道一個好食嘅梅菜扣肉飯，絕對唔易做，首先梅菜一定要無沙，豬肉要連皮先炸，落冰水冷卻後切件，然後放碗或缽，鋪上梅菜再蒸，令豬肉索曬梅菜香味，蒸完將碗倒轉，令豬肉由底變面，呢個反碗動作叫做扣。要做到肥瘦適中，而且肥而不膩，瘦肉火會過硬，肥肉亦不會過腍，每年豬肉亦要厚度適中，唔可以過厚，更唔可以過薄，咁先至好食，而呢個梅菜扣肉就基本上做到我所講嘅要求。但更精彩仲起後頭，就係個飯，呢個飯軟綿綿，質感細糯，
兩個飯盒好快包好，返到屋企仲熱辣辣，試食咗家人嘅鹹魚肉餅，鹹魚係實肉鹹魚，如果係梅香就更正，但依家想食呢個飯有梅香鹹魚真係好難，我相信係同貯存問題以及價錢有關係。
鹹魚都算大嚿，而味道亦屬中上水平，肉餅就慣例係絞肉，無滲好多粉或水落去，所以肉質結實，都算食得過，當然刴肉就一定好食好多，但人工貴，無辦法，我明。
有人話男人的浪漫係豆腐火腩飯，但我就認為為梅菜扣肉飯至真，我認識嘅男士們大都喜歡食梅菜扣肉飯，反而喜歡食豆腐火腩嘅就真係好少。
相信好多人都知道一個好食嘅梅菜扣肉飯，絕對唔易做，首先梅菜一定要無沙，豬肉要連皮先炸，落冰水冷卻後切件，然後放碗或缽，鋪上梅菜再蒸，令豬肉索曬梅菜香味，蒸完將碗倒轉，令豬肉由底變面，呢個反碗動作叫做扣。
要做到肥瘦適中，而且肥而不膩，瘦肉火會過硬，肥肉亦不會過腍，每年豬肉亦要厚度適中，唔可以過厚，更唔可以過薄，咁先至好食，而呢個梅菜扣肉就基本上做到我所講嘅要求。
但更精彩仲起後頭，就係個飯，呢個飯軟綿綿，質感細糯，富有黏性，係好食到停唔到口，比上次去土瓜灣食過嗰間「有間茶記起附近」更好食。
最後，連附送嘅包紙包飲品都有驚喜，原來道地嘅飲管已經由塑膠改成紙質，其他品牌唔知係唔係都係咁？畢竟我都有一段長時間無飲過紙包飲品啦！
總括嚟講，呢餐飯絕對係喜出望外，驚喜不絕。
張貼
