影片
更多
2023-06-27
622 瀏覽
朋友生日，原本揀咗蘇豪區一間餐廳，但係天氣不穩，擔心去到室外大風大雨淋濕哂。就轉去商場，就算落雨都唔驚。無意中上網搵到哩間餐廳，係新開，可以去試吓。諗住打去訂位，電話停用😨於是，同朋友早啲walk in 去拎位。我哋大約7點到，餐廳已經坐8成滿。餐廳限時90分鐘，不過我哋未齊人，但職員都建議我哋坐住等，之後可能會無位。職員好熱情，一入座會介紹個menu，仲會推介一啲特別菜色，比如炸pizza。不過環境好嘈，後來餐廳越黎越多人，音樂就越黎越大聲，我哋幾個女仔講笑，做咩最近揀啲餐廳都咁嘈🙉Vongole Sauteè ($258)clams, white wine, chili白酒煮蜆先叫一個前菜，仲配埋2片包，點汁食。蜆好大隻，每隻都漲卜卜。雖然menu寫有辣椒，但我又唔係好食到辣味。個蜆汁好惹味，但實在太太太太咸，就咁食蜆都仲可以，但係一食到啲汁，就好咸。忍唔住叫咗杯白酒。酒唔貴，一杯$88，一支先$388，如果多人飲，叫一支好抵。Rigatoni alla Genovese ($238)braised beef, onion, parmesan慢煮牛肉水管麵牛肉切碎，平均分配喺意粉入
就轉去商場，就算落雨都唔驚。
無意中上網搵到哩間餐廳，係新開，可以去試吓。諗住打去訂位，電話停用😨
於是，同朋友早啲walk in 去拎位。
我哋大約7點到，餐廳已經坐8成滿。
餐廳限時90分鐘，不過我哋未齊人，但職員都建議我哋坐住等，之後可能會無位。
職員好熱情，一入座會介紹個menu，仲會推介一啲特別菜色，比如炸pizza。
不過環境好嘈，後來餐廳越黎越多人，音樂就越黎越大聲，我哋幾個女仔講笑，做咩最近揀啲餐廳都咁嘈🙉
Vongole Sauteè ($258)
clams, white wine, chili
白酒煮蜆
先叫一個前菜，仲配埋2片包，點汁食。
蜆好大隻，每隻都漲卜卜。雖然menu寫有辣椒，但我又唔係好食到辣味。
個蜆汁好惹味，但實在太太太太咸，就咁食蜆都仲可以，但係一食到啲汁，就好咸。
忍唔住叫咗杯白酒。酒唔貴，一杯$88，一支先$388，如果多人飲，叫一支好抵。
Rigatoni alla Genovese ($238)
braised beef, onion, parmesan
慢煮牛肉水管麵
牛肉切碎，平均分配喺意粉入面，意粉上面撒咗芝士粉。
水管麵煮得岩岩好，仲有少少咬口。
牛肉碎好入味，成個意粉都好香，每啖都食到牛肉同洋蔥，好好食。
意粉調味稍為正常啲，都係濃味，但起碼唔會太咸。
Capricciosa ($248)
tomato, fior di latte, prosciutto cotto, mushroom, olive
蘑菇火腿薄餅
一共叫咗兩個主食，一個係意粉，一個係pizza。
Pizza好大份，但佢只係一開4 😳
隔離枱食客食刀叉食pizza俾職員笑，話pizza應該要用手食，佢哋即刻面有難色，只好苦笑 😂
我哋自己再將pizza切開細件啲，切好就即刻放低刀叉，驚俾人笑 🫢
Pizza味道好豐富，有蕃茄、芝士、火腿同蘑菇。因為全部人都唔食橄欖，預先同職員講，叫佢哋唔好落😛
Pizza個底好薄，只係略嫌有少少燒得過咗火，個邊邊同個底燒到有啲燶，食完成手都黑哂。
張貼
