Zecond (已結業)

同朋友到西環行街，是是但但去左間餐廳。又估佢唔到，係有質素！叫左份卡津孜然雞扒，來到大大份，食落肉汁夠，個味都好香，一份就飽哂！試左朋友份冬陰大蝦意大利麵，食左兩啖想食多幾啖，開胃的酸辣加奶油的香滑。而且隻蝦好爽口，鮮味夠。如果你有食開冬陰公，我推介呢個意大利麵。紅茶香濃，解油膩，不過我更喜歡朋友點的焦糖咖啡。它的甜度剛好，夾埋層厚泡，都幾有質感。附近返工的朋友不妨試吓，出開去的，都可找找它，裡面都乾淨企理。店員都好親切！