影片
更多
2010-10-09
8 瀏覽
月頭行街睇衫，行到咁上下，有啲肚餓，經過意粉 360 ，見到門口有個大 Menu ，睇到下午茶款式幾特別！急不及待入去試吓！北海道珍寶帆立貝野菌酥皮方塊 $8.8今期優惠小食，見價錢合理，餐牌圖片賣相不錯，一試無妨！以蟹籽配上青芥末醬、帆立貝、野菌並以酥皮方塊墊底；做得精巧有心思，以豆苗芽作點綴，突出美感！第一口已經食到攻鼻嘅 Wasabi 日式芥末沙律醬，Wasabi 沙律醬配合蟹籽，配合起嚟味道都唔錯！兩者放在帆立貝上面，一來作點綴，二來可以調味。帆立貝係日本人叫法，其實就係我哋食嘅扇貝；亦有公乸之分，就係睇橙色部分，有時係綠綠地色，我都忘記邊隻色係公乸！Sorry! 呢粒帆立貝算幾肥美！帆立貝與酥皮方塊之間，係野菌所在，野菌即係蘑菇，將蘑菇切成粒，醃埋醬料，好惹味！酥皮方塊口感好似食緊牛角飽！雖然薄薄地，但係夠鬆化！焗芝士牛肉肉醬薯條 $26焗芝士肉醬意粉就食得多，以牛肉做肉醬焗薯條真係第一次試！幾有新鮮感！估唔到味道係出奇地夾！每條粗粗嘅薯條炸得金黃，外脆內軟；然後同芝士肉醬一齊焗，十分滋味！大部分有成 3 吋長，食起嚟好有口感，兼有薯味。平時食慣蘸上茄汁，今次配上芝士牛肉肉醬
月頭行街睇衫，行到咁上下，有啲肚餓，經過意粉 360 ，見到門口有個大 Menu ，睇到下午茶款式幾特別！
急不及待入去試吓！
北海道珍寶帆立貝野菌酥皮方塊 $8.8
今期優惠小食，見價錢合理，餐牌圖片賣相不錯，一試無妨！
以蟹籽配上青芥末醬、帆立貝、野菌並以酥皮方塊墊底；做得精巧有心思，以豆苗芽作點綴，突出美感！
第一口已經食到攻鼻嘅 Wasabi 日式芥末沙律醬，Wasabi 沙律醬配合蟹籽，配合起嚟味道都唔錯！兩者放在帆立貝上面，一來作點綴，二來可以調味。帆立貝係日本人叫法，其實就係我哋食嘅扇貝；亦有公乸之分，就係睇橙色部分，有時係綠綠地色，我都忘記邊隻色係公乸！Sorry! 呢粒帆立貝算幾肥美！帆立貝與酥皮方塊之間，係野菌所在，野菌即係蘑菇，將蘑菇切成粒，醃埋醬料，好惹味！酥皮方塊口感好似食緊牛角飽！雖然薄薄地，但係夠鬆化！
焗芝士牛肉肉醬薯條 $26
焗芝士肉醬意粉就食得多，以牛肉做肉醬焗薯條真係第一次試！幾有新鮮感！估唔到味道係出奇地夾！每條粗粗嘅薯條炸得金黃，外脆內軟；然後同芝士肉醬一齊焗，十分滋味！大部分有成 3 吋長，食起嚟好有口感，兼有薯味。平時食慣蘸上茄汁，今次配上芝士牛肉肉醬，咸淡得宜！混入番茄茸，相得益彰！只係少部分被肉醬蓋過嘅薯條，浸咗肉汁，明顯腍咗。 此外，餐廳方面甚為奸詐， 將無咁好睇嘅連皮薯條放喺碟底，我有點被欺騙感覺！好在我鍾意食焗薯，留意到薯皮嘅紋滿佈小圓圈，屬於美國薯仔，就此罷了！
沖繩黑糖鴛鴦珍珠薑蜜 ( 原價 $28，跟餐特飲+$8 ) - 熱飲
云云飲品當中，我叫咗呢杯另類特飲！正所謂「薑越老越辣！」嫩薑亦唔好睇少！切得如張一般薄嘅嫩薑，放了十多片落杯中，飲咗幾啖，一股暖流直衝胃部！ 個名加上沖繩呢個日本地方名，令食客覺得係日式特飲，黑糖係咪來自沖繩就不得而知？！飲起嚟味道清甜，真係幾辣，整體而言幾好味！仲令我諗起鉅記薑糖嘅味道！ 杯一特飲上枱，小珍珠浮面，大珍珠沉底，相映成趣！小珍珠本身爽身，個 Look 似西米，亦唔同<嚮茶>略帶煙韌嘅白珍珠；大珍珠係乳酸爆爆珠，一咬即爆酸甜果汁，但係唔多夾杯飲品，顯得格格不入！
白之戀人 ( 士多啤梨 + 白朱古力 + 牛奶 ) 淨飲 $25
聽到個名，令人意想到白色又 sweet 嘅飲品，熱飲即係窩心！呢個名真係好貼切！ 如果情侶一齊 share 一杯嘅話，相信必定甜在心頭，感到箇中滋味！ 杯面係白朱古力打成泡沫，再以朱古力醬畫上圖案作點綴，賣相不裕！一杯似櫻花粉紅色嘅特飲，確實吸引女仔！飲品主要以牛奶混入士多啤梨味粉加熱而成！並無士多啤梨成份。其實係一杯士多啤梨奶，無咩特別！ 甜味恰到好處。若果係凍飲會更好飲，可惜只得熱飲！
薄利多銷無疑係生意手法之一，起初廿幾$嘅下午茶餐，加呢樣加果樣，再加一，食咗四十幾$，由抵食都變咗唔抵食！
Remarks : 要加一
張貼
