影片
更多
2019-01-11
118 瀏覽
係呀亞士厘道嘅盡頭， 好容易就俾呢間意大利餐廳《La Taverna》所吸引。 紅色嘅霓虹燈， 配上橙黃色嘅牆身， 加上戶外幾張餐桌， 非常有歐陸感覺。一打開門行入餐廳， 就更加有歐洲feel了， 天花上面掛滿咗酒樽，就如進入咗酒窖一樣。加上拱門嘅設計，感覺就更加似去咗歐洲嘅酒堡入面開餐。Appetizer : 《吞拿魚他他配醃露筍及辣牛油果醬》作為前菜嘅吞拿魚他他健康又美味， 吞拿魚刺身嫩滑又冇雪味， 配上鮮嫩嘅醃蘆筍，醃蘆筍嘅酸甜令吞拿魚他他提鮮， 辣牛油果醬口感creamy， 同三文魚他他非常匹配。《手造貝殼粉配紅蝦及鼠尾草》 呢間意大利餐廳主打手做嘅pasta， 呢款手做貝殼粉口感十足，煙煙韌韌， 絕對唔會過熟而變得糊口。 呢個鮮紅色嘅紅蝦汁梗係非常出色， 醬汁用咗大量蝦殼及蝦頭爆炒而成， 味道鮮甜不特止， 仲帶有極濃嘅蝦味。 紅蝦蝦肉彈牙爽口， 而蝦頭亦都被炸得脆卜卜，食落甘香之餘亦帶有蝦膏 香氣， 非常出色。《 意式雞卷配烤啡菇黑松露汁》 大廚用意識parma ham包住雞卷嚟煎， Parma ham嘅鹹香滲入嫩滑嘅雞肉當中， 雞肉嫩滑多汁， 唔會鞋口， 而且亦用上矜貴嘅黑
一打開門行入餐廳， 就更加有歐洲feel了， 天花上面掛滿咗酒樽，就如進入咗酒窖一樣。加上拱門嘅設計，感覺就更加似去咗歐洲嘅酒堡入面開餐。
Appetizer : 《吞拿魚他他配醃露筍及辣牛油果醬》
作為前菜嘅吞拿魚他他健康又美味， 吞拿魚刺身嫩滑又冇雪味， 配上鮮嫩嘅醃蘆筍，醃蘆筍嘅酸甜令吞拿魚他他提鮮， 辣牛油果醬口感creamy， 同三文魚他他非常匹配。
《手造貝殼粉配紅蝦及鼠尾草》 呢間意大利餐廳主打手做嘅pasta， 呢款手做貝殼粉口感十足，煙煙韌韌， 絕對唔會過熟而變得糊口。 呢個鮮紅色嘅紅蝦汁梗係非常出色， 醬汁用咗大量蝦殼及蝦頭爆炒而成， 味道鮮甜不特止， 仲帶有極濃嘅蝦味。 紅蝦蝦肉彈牙爽口， 而蝦頭亦都被炸得脆卜卜，食落甘香之餘亦帶有蝦膏 香氣， 非常出色。
《 意式雞卷配烤啡菇黑松露汁》 大廚用意識parma ham包住雞卷嚟煎， Parma ham嘅鹹香滲入嫩滑嘅雞肉當中， 雞肉嫩滑多汁， 唔會鞋口， 而且亦用上矜貴嘅黑松露片， 令整道菜式充滿黑松露香氣，
最後一定要食呢個最出名嘅意式甜品《Tiramisu 》， 呢度甜品充滿咖啡香氣， 喺ladyfingers手指餅上淋上濃縮咖啡，帶有咖啡香之餘亦唔會覺得苦， 上面的忌廉口感綿滑， 絕對係最佳嘅飯後甜品。
呢間餐廳真係非常有氣氛， 無論係週年慶祝， 定係大時大節黎食都非常適合。 今年嘅情人節一定要再encore。
張貼
