蠔灣 (已搬遷) 新店位置

一餐既開心又滿足既夜晚飯，每樣野都好好食，生野夠新鮮（無肚痾），熟食基本上係水平以上，可能係出面餐廳都有，但係係比出面餐好食囉。一早訂左枱，唔駛等。雖然見到walk-in都有位，但個場唔係大，建議訂定位先，咁會穩陣好多。雖然樓面得一個人，都可以應付自如，仲會細心介紹菜色。黎蠔吧第一道菜梗係生蠔啦，由淡到濃，啲蠔堅生鮮，朋友直情話唔駛加任何配料都已經好好食，最後食活海膽，正到呢，好似係日本當地食咁鮮。食完第一盤，直刻encore ，可惜活海膽已經無晒（記得要訂定）。開始食熟食，第二道菜就先飲湯，蘑菇湯 / 龍蝦湯，2個湯都好好飲，夠晒味，唔會水流流，誠意之作。第三道菜係鵝肝多士，雖然無特別，味道正常，唔會難食。第四道菜係安格斯牛扒，3成熟啱啱好，火喉控制得好，唔會血淋淋，啲肉夠淋又唔會un，入口就溶，係覺得個汁濃左少少少少🤏🏻，但配埋啲沙律菜一齊就好似又啱返啲，至少食完唔會話好漏，好滯。第五道菜就澱粉質，龍蝦忌廉意粉，本來以為平平無奇，2隻蝦鉗加啲蝦肉啦，點之一撈個意粉，即刻有驚喜，個粉係出晒煙（唔係少少煙咁簡單），真係熱辣辣咁，但食落口又唔會辣口，而個味又唔會好濃，真係教到啱啱好，個個