三星台菜食堂 (新城市廣場一期) (已結業)

覆完診同媽咪想早啲食飯，一直都麻麻新城市既餐廳覺得又貴質素又唔算好高但就腳同埋見到訂位有折，愛好台灣菜既我地決定試下呢間🥰餐廳🍴裝潢幾闊落，坐得幾舒服😌主要採用木系餐桌，店內光大明亮，感覺都幾悠閑我地叫左兩個主食一個小食，上菜速度算快叫左好多人推薦既牛肉面我地揀左原味紅燒湯底，唔辣，但都好濃郁入口好咸香，八角味幾出，令成個湯好惹味牛肉方面店家落左 牛肉、牛肚、牛筋牛肉非常軟腍，入口就化開咁滯，而且牛味好足帶有少少既脂肪令到牛肉入口更香更豐腴牛肚完全無筋，所以好易就咬開而且滷得非常入味，入口好香，又有咬口牛筋炆得好足，入口好似啫喱咁但又有啲咬口增加口感同埋又係滷得非常入口，食落去又香又軟糯麵既部分用左刀削粗麵，入口麵既質感唔錯，可韌夠咬口加埋榨菜會提番好些微辣味既味道再上一層樓，好食👍🏻👍🏻魯肉飯份量望落唔算多，不過食落一個女仔食應該都夠飽鐘意佢有跟溏心蛋，滷得唔錯，中間溏心口感既香又糯，配飯一流魯肉份量都唔少，加左幾多滷水汁，所以個飯唔會乾淨淨入口幾香，不過略嫌肥左啲，雖然口感味道都好好但食落油膩感重左啲醃青瓜睇色水就知非常入味，入口都幾fresh些微解番肥肉既膩整體都幾好食👍🏻鹽酥雞