影片
更多
2019-09-02
48 瀏覽
同朋友喺佐敦買嘢，買完嘢本身打算行過去尖沙咀食飯，但係天氣麻麻地，就行到附近嘅廟街，諗住搵嘢食啦，點知見到呢一間小店， 環境都唔錯，一於試下。先嗌一客壽司試試，火炙比目魚背入口嫩滑，火灸完令魚肉充滿焦香，油份充足，唔錯。一上檯就令我哋睇到嘩嘩聲嘅築地壽司杯，賣相超吸睛， 有五款壽司杯，分別用上蟹肉、吞拿魚蓉、甜蝦、海膽同三文魚，款款都整得好精緻，加上汁煮鮑魚同埋三文魚卷，感覺都幾抵食。尤其係海膽超大片， 睇見都流曬口水， 而吞拿魚亦都好鮮甜， 非常好食。而呢個蒜片一口和牛都好惹味， 牛肉粒好juicy，加埋蒜香同洋蔥，味道好夾。我哋亦都嗌咗幾款燒物試試，首推呢一個脆皮白鱔， 魚肉夠厚身，而且好彈牙，肉質好爽口，加埋外皮燒得好脆，必試。金菇牛肉捲亦夠香口， 卷得好結實，唔會散開，加埋醬汁食都幾好。我就比較鍾意呢個大蔥燒黑豚肉， 豚肉燒得夠脆，大蔥都夠甜。朋友就比較鍾意呢個厚燒玉子， 食落有蛋香。最後食埋呢個清酒煮蜆， 蜆肉夠曬甜，加埋索曬汁嘅金菇，再飲埋呢個清酒湯，就夠曬暖胃，雨天食都幾舒服。估唔到廟街除咗平時食開嘅大排檔同埋煲仔飯，都有一間咁高質素嘅日式小店，真係意想不到。
先嗌一客壽司試試，火炙比目魚背入口嫩滑，火灸完令魚肉充滿焦香，油份充足，唔錯。
一上檯就令我哋睇到嘩嘩聲嘅築地壽司杯，賣相超吸睛， 有五款壽司杯，分別用上蟹肉、吞拿魚蓉、甜蝦、海膽同三文魚，款款都整得好精緻，加上汁煮鮑魚同埋三文魚卷，感覺都幾抵食。
尤其係海膽超大片， 睇見都流曬口水， 而吞拿魚亦都好鮮甜， 非常好食。
而呢個蒜片一口和牛都好惹味， 牛肉粒好juicy，加埋蒜香同洋蔥，味道好夾。
我哋亦都嗌咗幾款燒物試試，首推呢一個脆皮白鱔， 魚肉夠厚身，而且好彈牙，肉質好爽口，加埋外皮燒得好脆，必試。
金菇牛肉捲亦夠香口， 卷得好結實，唔會散開，加埋醬汁食都幾好。
我就比較鍾意呢個大蔥燒黑豚肉， 豚肉燒得夠脆，大蔥都夠甜。
朋友就比較鍾意呢個厚燒玉子， 食落有蛋香。
最後食埋呢個清酒煮蜆， 蜆肉夠曬甜，加埋索曬汁嘅金菇，再飲埋呢個清酒湯，就夠曬暖胃，雨天食都幾舒服。
估唔到廟街除咗平時食開嘅大排檔同埋煲仔飯，都有一間咁高質素嘅日式小店，真係意想不到。
張貼
