影片
更多
2023-09-08
70 瀏覽
超好彩喺黑色暴雨之前可以食到今年嘅生日飯。嚟到順利商場，呢間新開咗冇耐嘅泰國菜舖頭，一到食一到見到源源不絕嘅客源。叫咗個而家最流行嘅曼谷火山排骨，上碟已經超吸睛，充滿着乾冰嘅模樣同埋超大嘅份量，果然係而家最流行嘅菜式！上面配有一啲香蔥嘅配料令佢更加惹味！然後一定要食嘅，就係泰國嘅生蝦。佢有六隻或者12隻，人少少叫六隻已經夠食！生蝦非常大隻，佢有兩種醬汁，一種係比較辣嘅，另一種係類似香蔥味嘅醬汁。然後嗌埋馬莎文咖喱牛腩配白飯，呢度咖喱超抵食，有牛腩有牛筋，仲有薯仔三色椒配菜份量超夠，辣度亦都啱啱好。配埋白飯一齊食超滿足。再加一個通菜馬拉盞，通菜大大碟，而且馬拉盞嘅份量超多，味道上濃而不膩，想嗌多一碟添！飲品嗌咗自己鍾意嘅芝士奶蓋：芒果芝士沙冰🍧同埋紅豆冰！泰國芒果甜甜配埋濃郁嘅芝士奶蓋，清新解暑一流！紅豆冰味道都唔會太甜，配埋口味豐富嘅泰國菜一齊食就啱啱好！估唔到呢間舖頭咁受街坊歡迎。出邊嘅人流未停過，希望佢繼續有多啲人幫襯啦！因為真係價錢親民，亦有一定質素保證！
叫咗個而家最流行嘅曼谷火山排骨，上碟已經超吸睛，充滿着乾冰嘅模樣同埋超大嘅份量，果然係而家最流行嘅菜式！上面配有一啲香蔥嘅配料令佢更加惹味！
然後一定要食嘅，就係泰國嘅生蝦。佢有六隻或者12隻，人少少叫六隻已經夠食！
生蝦非常大隻，佢有兩種醬汁，一種係比較辣嘅，另一種係類似香蔥味嘅醬汁。
然後嗌埋馬莎文咖喱牛腩配白飯，呢度咖喱超抵食，有牛腩有牛筋，仲有薯仔三色椒配菜份量超夠，辣度亦都啱啱好。配埋白飯一齊食超滿足。
再加一個通菜馬拉盞，通菜大大碟，而且馬拉盞嘅份量超多，味道上濃而不膩，想嗌多一碟添！
飲品嗌咗自己鍾意嘅芝士奶蓋：芒果芝士沙冰🍧同埋紅豆冰！泰國芒果甜甜配埋濃郁嘅芝士奶蓋，清新解暑一流！
紅豆冰味道都唔會太甜，配埋口味豐富嘅泰國菜一齊食就啱啱好！
估唔到呢間舖頭咁受街坊歡迎。出邊嘅人流未停過，希望佢繼續有多啲人幫襯啦！因為真係價錢親民，亦有一定質素保證！
張貼
