影片
更多
2021-02-04
19181 瀏覽
早幾日訂位，一心諗住食自助餐，點知尋日酒店先打黎話今日係供應半自助餐。我個心一沉，一心諗住滿足自己愛自助餐既要求左揀右揀下揀左佢，點知又咁突然變左半自助，主菜冇得乜都試。咁急又再搵唔到酒店自助餐可book,就硬住頭皮去試下啦。入到cafe too, 職員好有禮貌的帶位，感覺已賓至如歸咁，冇誇張。即刻覺得算啦，真係好五星級既服務，唔駛出去又逼又爭先攞到野食都唔錯。感覺已非常良好。坐低後服務員耐心講解menu. 首先有頭盤沙律等就係自助形式，再有中式或西式湯一碗供下單，然後再每位揀兩款主菜，一款配菜。最後會呈上一份甜品拼盤，鮮果盤，及每位一客雪糕甜品。另外有雪糕吧，可親身揀任食雪糕。頭盤既沙律菜有好多款選擇，擺放整齊，好新鮮。煙三文魚都有，全部都好精緻。湯，我選了蘑菇湯。主菜我點了羊架，好香好有肉汁，係高級餐廳應有水準。另外點了椒鹽蝦，都香口得來沒有過多炸蒜蓉搶過本身蝦既味道。甜品頗精緻，但到上甜品拼盤既一刻，已飽到唔太食得落，好彩我們兩個人黎既係一盤幾件小小的甜品，還吃得下。水果盤也賣相精美。最後自助雪糕吧我當然都去光顧下番😆整體我最想讚侍應們的態度及服務水準，完全是以為自己做緊mock
入到cafe too, 職員好有禮貌的帶位，感覺已賓至如歸咁，冇誇張。即刻覺得算啦，真係好五星級既服務，唔駛出去又逼又爭先攞到野食都唔錯。感覺已非常良好。坐低後服務員耐心講解menu. 首先有頭盤沙律等就係自助形式，再有中式或西式湯一碗供下單，然後再每位揀兩款主菜，一款配菜。最後會呈上一份甜品拼盤，鮮果盤，及每位一客雪糕甜品。另外有雪糕吧，可親身揀任食雪糕。
頭盤既沙律菜有好多款選擇，擺放整齊，好新鮮。煙三文魚都有，全部都好精緻。湯，我選了蘑菇湯。主菜我點了羊架，好香好有肉汁，係高級餐廳應有水準。另外點了椒鹽蝦，都香口得來沒有過多炸蒜蓉搶過本身蝦既味道。甜品頗精緻，但到上甜品拼盤既一刻，已飽到唔太食得落，好彩我們兩個人黎既係一盤幾件小小的甜品，還吃得下。水果盤也賣相精美。最後自助雪糕吧我當然都去光顧下番😆
整體我最想讚侍應們的態度及服務水準，完全是以為自己做緊mock-up 咁，完全表現到佢地既專業。事例一：我的餐具差點跌到一枱都係，一位服務員見狀即刻攞隻碟黎俾我放餐具。事例二：我倒唔到茄汁，另一男服務員即刻過黎幫我，當然係好注重衛生地啦！事例三：見我枱嗰枝水斟完，就即刻拿一枝滿既俾我地。另外經理過黎問意見，原來今日係第一日開始做半自助餐，問份量，味道意見，我照直說覺得好滿意。
我好少咁推介一間餐廳，但呢間cafe too真係令我好impressive, 絕對對得起佢呢個menu既價格，不論服務或食物水準。這次經驗令我對半自助餐刮目相看，原來可以食得好滿足。我用恆生咭結帳有75折，埋單兩位550，真心抵，希望好快有機會再去。
394 瀏覽
0 讚好
0 留言
張貼
