Hugo Le Resto Grill (已結業)

唔係上openrice 都唔知呢棟大廈入面係有餐廳，估唔到都有唔少人識上黎。佢呢度叫個set lunch 就可以包自助沙律包，都幾抵食。✨沙律bar 大約有十款配料，有粟米仔，蜜桃，洋蔥，車厘茄，青紅黃椒等等。另外仲有d 煙肉碎，麵包粒同三款醬汁。✨沙律菜都幾新鮮，最鍾意就係蜜桃，粟米～簡單配個千島醬同胡麻醬都幾好食。食食下仲refill 左有秋葵～～✨餐湯粟米湯真係啖啖都係粟米蓉，好甜好好飲 ,蒜蓉包都好香脆。✨牛肝菌忌廉闊條麵（$118): 個汁比較杰，麵條非常掛汁。我好鍾意個汁～好濃郁好creamy, 仲有芝士既香味。 個闊條麵質感同平時食既有d 唔同，呢個係好爽口既，d什菌配埋個汁真係好好味。✨意式香草海鮮扁意粉（$118): 本身其實係叫黑松露忌廉飯，但佢落錯單，見佢個樣好似幾好食🤣所以要左，費事再食忌廉怕會漏。✨佢d 海鮮全部都煎香過，有蝦，魷魚，三文魚，大蜆～～食得出有鮮味。 意粉煙煙韌韌，入面仲有青紅黃椒，雜菌，食完忌廉果款再食呢款幾清新。✨以銅鑼灣黎講呢度性價比都幾好，環境係靜同舒服，如果可以多件cake 食就更加完美。