桔梗 (已結業)

終於試咗旺角呢間人氣Cafe，感覺都幾有驚喜~比我預期好食😋白酒奶油三文魚意粉 $128一上到嚟超級驚喜，因為賣相好靚好靚，奶油醬汁味道好香。而且配料方面除咗有香煎三文魚、三文魚子，仲有煙熏三文魚。三重享受😎媽咪作為主婦都話佢嘅三文魚煎得好靚，咁就一定冇錯！朱古力酥 $28呢個好抵食，食嘅時候暖笠笠，朱古力醬唔算太甜，配上牛油味香濃嘅酥皮，同媽咪爭住食。凍latte $38中規中矩，天氣咁熱夠冰凍就得了😚😚😚凍鮮奶$38好似唔係好多Cafe有呢個選擇😚咁岩媽咪唔飲咖啡，天氣熱，凍鮮奶都係一個好選擇！