影片
更多
2012-11-09
72 瀏覽
話說陪老婆去完古法烘焙買嘢請同事食，都輪到我哋搵食醫肚，就去咗同晌地面層斜向幾個鋪位，食意大利嘢嘅Riso。Cafe小店格局，一室紅紅白白，不過枱櫈排得有點逼，牆上畫咗以「米粒」為主嘅圖案，色彩繽紛但感覺柔和，再細心睇，原來粒米就喺餐廳嘅標誌。店家走年青人路線，所以所賣嘅產品除主打意大利燴飯，仲包括薄餅、意粉，以及健康果露（Smoothie，我以前提過有餐廳譯咗個中文名俾Smoothie：思慕雪，雖然唔流行，但我都喺鍾意依個譯名好啲，因為多份詩意）、花果茶。晌門口睇到個大型「餐牌」都有幾多選擇，不過，又睇到佢有個二人套餐精選（$128 / $148），主菜任揀兩款，仲包埋沙律，兩客甜品同兩杯餐飲。雖然服務好一般，但唔收加一算喺咁啦。意泰橄欖甜酸沙律沙律喺指定款式無得揀，咪睇個名好似好特別，只不過喺羅馬生菜，加洋蔥粒、粟米粒、車厘茄，橄欖油都唔多滴，只喺面面放有少少甜酸醬，就喺依啲醬叫意泰混合，有點誇大其詞。雖則沙律食落清爽，但醬汁味道只喺一般。橄欖油黑椒蜆肉芙莉特意粉芙莉特（Fritta）即喺意大利文乾炒之意，餐牌唔註明仲以為咩造型特別嘅意粉，原來喺個做法。確實，個意粉做得相當有水準，
晌門口睇到個大型「餐牌」都有幾多選擇，不過，又睇到佢有個二人套餐精選（$128 / $148），主菜任揀兩款，仲包埋沙律，兩客甜品同兩杯餐飲。雖然服務好一般，但唔收加一算喺咁啦。
意泰橄欖甜酸沙律沙律喺指定款式無得揀，咪睇個名好似好特別，只不過喺羅馬生菜，加洋蔥粒、粟米粒、車厘茄，橄欖油都唔多滴，只喺面面放有少少甜酸醬，就喺依啲醬叫意泰混合，有點誇大其詞。雖則沙律食落清爽，但醬汁味道只喺一般。
橄欖油黑椒蜆肉芙莉特意粉芙莉特（Fritta）即喺意大利文乾炒之意，餐牌唔註明仲以為咩造型特別嘅意粉，原來喺個做法。確實，個意粉做得相當有水準，首先意粉煮得啱啱好，食落有咬口，油潤唔太乾，黑椒味唔太嗆。加上蜆肉質素不賴，份量無將貨就價，絕對收貨！
芝士火腿腸意式燴飯未講燴飯好唔好食，先借個位講講服務，就喺意式燴飯可揀紅米、正常白米，但晌收銀落單時侍應無問過我，此外，原來仲可以揀乾 / 標準 / 濕，不過亦都無問過我。相比個意粉，依碟燴飯就走晒樣，配料只喺火腿腸、粟米粒同芝士，材料本身屬普通貨色，而飯粒煮得較為乾，煙韌度一般，而芝士刨出嚟屬粗條形，撈勻啲飯都未必溶得透啲芝士，用嚟食薄餅啱啲；小弟就覺得食意粉或意式燴飯，應刨出細膩啲嘅芝士碎，充分融入啲意粉或飯度。
甜品俾定張甜品飛仔予個客，可以幾時上甜品就幾時上，依個安排幾好。兩個甜品分別喺士多啤梨雪糕同芒果雪糕配暖心黑朱古力蛋糕，雪糕就幾香幾軟滑，但喺件暖心黑朱古力蛋糕就麻麻，暖心？首先就唔多暖，其次成舊黑朱古力蛋糕咁，即喺斑尼士，好實好硬，又做唔到冰火嘅口感，所以對個甜品都幾失望，只好當兩件獨立嘅甜品嚟看待。
chopstick:餐飲餐飲可揀花果茶、花果蜜同咖啡，如果想試佢招牌健康果露，加$6就可升級。老婆鍾意花果茶，所以一眼睇中甘菊草本茶，洋甘菊幽幽香，茶味屬偏淡類型；而食住甜品，小弟都喺心水於意大利即磨咖啡，香濃但較為苦澀，所以再求俾多少少奶，再拎過嘅奶喺打過，所以熱熱地。
Riso試咗一次，無論服務、食物都屬中等，應該未必再嚟喇。張貼
