Y Pasta (已搬遷) 新店位置

是日下雨天跟朋友約左黎行街食野，係商場行都咁上下就搵餐廳醫醫肚，朋友提議食意粉就找到呢間餐廳試下。餐廳的環境是舒適寬闊位置不會太迫，令你坐低傾計都可以好舒服。香草蕃茄醬大蝦意粉($138)賣相已十分吸引的香草蕃茄醬大蝦意粉，香草蕃茄醬的配搭個人是覺得十分完美，香草除了自身的清新香味之外，混合在蕃茄醬中更令蕃茄醬味道更突出及更加多的層次，另外大蝦有先調味，再加上蕃茄醬就更加開胃可口，而蝦肉亦十分結實，爽口彈牙，意粉側是軟硬剛剛好，跟大蝦十分配合。意大利黑松露醬雜菌pizza($88)呢個PIZZA食既就係黑松露果一種特有既濃郁味道，同時間配料也是雜菌，黑松露每雜菌自身的味道提升左不少，是十分特別及好味的一款PIZZA，另外餅皮方面烤得十分脆身，咬上口就像是在食多士一樣。