影片
更多
2021-10-23
29 瀏覽
平時冇乜朋友約我食印度菜，所以都唔知邊間好味，更加唔知點咩食物好。難得有人帶我去上環食，話環境舒服、服務又好之餘，仲要食物好味又唔貴，真係好開心呀😍前菜前菜有兩款，因為好好味，所以我特登上網查咗吓係咩嚟🤣1.Poppadoms 薄脆片，以輕量的食鹽、小茴香和香芹籽來調味，香脆、令人難以抗拒。2.Pakoras 炸金黃蔬菜，小塊的麵糰，裡面有蔬菜和香料，再拿去炸。另外配兩款醬，綠色係有啲薄荷同檸檬味，而我更鍾意紅色嘅醬，甜甜地，配咩都好好味😋炸米餅呢款小食好特別，朋友話係印度街頭隨處可見嘅一種小食，出面係脆脆嘅油炸球，入面加咗洋蔥、薯仔之類嘅嘢，之後倒上特製嘅醬汁，食嘅時候記得要一啖過呀。烤牛肉卷牛肉係鐵板上㗎，咋咋聲，好正呀。佢哋嘅烤牛肉同我哋食開嘅唔同，佢係用肉碎，加上特製嘅香料而成，我就食得出有啲咖哩嘅味道。奶油雞推介大家要試，好好味，朋友話每次食印度菜都會點嘅，酸甜嘅蕃茄醬汁配上好嫩嘅雞肉，加上牛油嘅香，好正呀😍用嚟點飯、餅都勁好味。食印度菜點可以唔點naah，我唯一叫得出名嘅印度菜，亦係我嘅最愛，用佢嚟點奶油雞嘅醬汁，真係正到爆。後來老細見我哋仲有汁淨，俾咗啲飯叫我哋試吓，佢嘅
平時冇乜朋友約我食印度菜，所以都唔知邊間好味，更加唔知點咩食物好。難得有人帶我去上環食，話環境舒服、服務又好之餘，仲要食物好味又唔貴，真係好開心呀😍
前菜
前菜有兩款，因為好好味，所以我特登上網查咗吓係咩嚟🤣
1.Poppadoms 薄脆片，以輕量的食鹽、小茴香和香芹籽來調味，香脆、令人難以抗拒。
2.Pakoras 炸金黃蔬菜，小塊的麵糰，裡面有蔬菜和香料，再拿去炸。
另外配兩款醬，綠色係有啲薄荷同檸檬味，而我更鍾意紅色嘅醬，甜甜地，配咩都好好味😋
炸米餅
呢款小食好特別，朋友話係印度街頭隨處可見嘅一種小食，出面係脆脆嘅油炸球，入面加咗洋蔥、薯仔之類嘅嘢，之後倒上特製嘅醬汁，食嘅時候記得要一啖過呀。
烤牛肉卷
牛肉係鐵板上㗎，咋咋聲，好正呀。佢哋嘅烤牛肉同我哋食開嘅唔同，佢係用肉碎，加上特製嘅香料而成，我就食得出有啲咖哩嘅味道。
奶油雞
推介大家要試，好好味，朋友話每次食印度菜都會點嘅，酸甜嘅蕃茄醬汁配上好嫩嘅雞肉，加上牛油嘅香，好正呀😍用嚟點飯、餅都勁好味。
食印度菜點可以唔點naah，我唯一叫得出名嘅印度菜，亦係我嘅最愛，用佢嚟點奶油雞嘅醬汁，真係正到爆。後來老細見我哋仲有汁淨，俾咗啲飯叫我哋試吓，佢嘅飯唔普通㗎，特別長，又真係同啲汁好夾，不過食完真係飽到上心口🤣
張貼
