影片
更多
2018-12-31
113 瀏覽
台式寬粉條 (三餸) $44呢間主打台灣特色車仔麵 自從中學後都好少食車仔麵了 今次仲加上台灣風麵底有比較多既選擇 我叫既台式寬粉條賣相似透明既河粉 質感就似無咁韌既紅薯粉 配個湯底好好食湯底揀左小辣既美人湯配麻辣醬汁 佢隻醬我覺得幾特別 同食開既麻辣燙果種麻有啲唔同 反正都幾夠味 因為叫左辣所以都唔肯定美人湯本身係味 不過同叫既另一碗麻辣湯底相比明顯色水無咁深 食落辣度稍低一啲 不過唔食得辣既朋友都係唔建議叫麻辣醬汁講得車仔麵當然可以揀餸 餐單上有專門劃分開台式配料 本來想叫台灣炸豆皮可惜無哂 改為叫台灣水蓮 另外再揀左辣汁咖喱魚旦同唐生菜 台灣水蓮其實我唔知係咩菜 外觀似一條條幼繩 食落爽口 口感有啲似豆苗既莖部 魚旦其實無咩辣 可能係個湯夠辣遮哂 生菜本身就幾吸湯汁 食得辣先好叫黎跟辣湯整體黎講都唔錯 係真車仔麵玩法 要幾餸同咩配料自由選擇 價錢比起港式車仔麵貴少少 不過麵底配料加入台式元素 同埋個湯都幾正 可以一戰台灣關廟麵 (三餸) $50呢碗車仔麵麵底揀左關廟麵 有啲似幼身少少既米線 味道黎講寬粉麵配個湯會深刻啲配料要三餸 其一係台式滷水金錢肚 另兩款係日本蟹棒同唐生菜 金
呢間主打台灣特色車仔麵 自從中學後都好少食車仔麵了 今次仲加上台灣風
麵底有比較多既選擇 我叫既台式寬粉條賣相似透明既河粉 質感就似無咁韌既紅薯粉 配個湯底好好食
湯底揀左小辣既美人湯配麻辣醬汁 佢隻醬我覺得幾特別 同食開既麻辣燙果種麻有啲唔同 反正都幾夠味 因為叫左辣所以都唔肯定美人湯本身係味 不過同叫既另一碗麻辣湯底相比明顯色水無咁深 食落辣度稍低一啲 不過唔食得辣既朋友都係唔建議叫麻辣醬汁
講得車仔麵當然可以揀餸 餐單上有專門劃分開台式配料 本來想叫台灣炸豆皮可惜無哂 改為叫台灣水蓮 另外再揀左辣汁咖喱魚旦同唐生菜 台灣水蓮其實我唔知係咩菜 外觀似一條條幼繩 食落爽口 口感有啲似豆苗既莖部 魚旦其實無咩辣 可能係個湯夠辣遮哂 生菜本身就幾吸湯汁 食得辣先好叫黎跟辣湯
整體黎講都唔錯 係真車仔麵玩法 要幾餸同咩配料自由選擇 價錢比起港式車仔麵貴少少 不過麵底配料加入台式元素 同埋個湯都幾正 可以一戰
台灣關廟麵 (三餸) $50
呢碗車仔麵麵底揀左關廟麵 有啲似幼身少少既米線 味道黎講寬粉麵配個湯會深刻啲
配料要三餸 其一係台式滷水金錢肚 另兩款係日本蟹棒同唐生菜 金錢肚幾幼身 因為麻辣湯底太濃味所以滷水整法唔算明顯 不過就好易入口 蟹棒有兩大條 叫做standard 不過就同生菜一樣配辣湯特別好食
湯底要左麻辣少辣 成碗最欣嘗係個湯 唔知佢用咩醬食出黎唔係大路果種麻辣 幾夠味 雖則只係要小辣 其實辣度經已唔低 對於鍾意食辣既我就岩哂
其實間店仲有台灣牛肉麵叫 不過我見車仔麵crossover台灣麵底同配料幾特意先至玩車仔麵 如果大食啲其實一碗麵係差咁啲 是次我係二人share兩麵一小食 肚皮夠哂滿足
蚵仔麵線 $28
除左台式車仔麵呢間仲有麵線同肉燥飯牛肉麵可以叫 不過就無常見既台式炸物 呢碗麵線係餐單上都係歸落唔太多選擇既小食類
麵線基本上味道度度都差唔多 要比較都係睇下料多唔多 呢碗既蚵仔量都叫足 食落口感都唔錯 不過湯底好似有d微酸定微甜 同埋枱面如果有醋俾人自己加就更好
既然都主打台式 我會建議可以加多啲台灣小食選擇 飲品雖然都有幾款特式野 不過好似缺少左台灣既signature珍珠奶茶 雖然加左我個人都未必會叫 不過仲有受眾者會岩既
張貼
