影片
更多
2020-11-29
521 瀏覽
週末心情靚，同先生嘆返個休閑午餐，揀咗位於海之戀商場三樓嘅呢間cafe，開業短短一段時間已經積落唔少好評，而且食物選擇亦非常多。Lunch Combo超多選擇，由A到X足足成二十幾款可以慢慢揀，價錢亦相當合理。點餐後先送上嘅係餐湯，龍蝦湯香濃鮮甜，羅宋湯酸甜交雜，味道濃郁，兩者質素都唔錯。雞翼外皮炸得非常香脆，內裡依然保留到肉汁同嫩滑嘅口感，令人想食多幾隻。漢堡配薯條係weekend lunch嘅指定食物，先生嗌嘅北海檸檬黑豚豬柳太陽漢堡非常厚身，而且色彩繽紛，令人食慾大增，薯條亦係新鮮即炸，香脆可口，份量稍增就更好。黑豚豬柳厚切，鬆軟香口，入口帶少少檸檬清香，減低膩滯感，配上煎蛋、蕃茄、生菜同芝士，成個組合格外清新。港女嘅醒神餐永遠離不開all-day breakfast，食材配搭豐富，啱哂貪心又有選擇困難嘅我，仲可以食得斯斯文文，特別要求太陽蛋要全熟，亦非常配合，加分。先生一入門口已經睇中咗櫥窗雪櫃入面嘅榛子朱古力mousse cake，蛋糕有幾層唔同嘅口感，特別係面頭嗰層，香濃細滑，榛子嘅味道非常突出，完全係幸福嘅滋味！青檸梳打大大杯，口感清爽，加上清新嘅薄荷葉零舍醒神，但味道略
週末心情靚，同先生嘆返個休閑午餐，揀咗位於海之戀商場三樓嘅呢間cafe，開業短短一段時間已經積落唔少好評，而且食物選擇亦非常多。
Lunch Combo超多選擇，由A到X足足成二十幾款可以慢慢揀，價錢亦相當合理。
餐湯
11 瀏覽
0 讚好
0 留言
點餐後先送上嘅係餐湯，龍蝦湯香濃鮮甜，羅宋湯酸甜交雜，味道濃郁，兩者質素都唔錯。
意式炸雞翼
$18
19 瀏覽
0 讚好
0 留言
雞翼外皮炸得非常香脆，內裡依然保留到肉汁同嫩滑嘅口感，令人想食多幾隻。
北海檸檬黑豚豬柳太陽漢堡配薯條
$73
6 瀏覽
0 讚好
0 留言
漢堡配薯條係weekend lunch嘅指定食物，先生嗌嘅北海檸檬黑豚豬柳太陽漢堡非常厚身，而且色彩繽紛，令人食慾大增，薯條亦係新鮮即炸，香脆可口，份量稍增就更好。
北海檸檬黑豚豬柳太陽漢堡配薯條
$73
11 瀏覽
0 讚好
0 留言
黑豚豬柳厚切，鬆軟香口，入口帶少少檸檬清香，減低膩滯感，配上煎蛋、蕃茄、生菜同芝士，成個組合格外清新。
WM全天候早餐配牛角酥
$103
25 瀏覽
0 讚好
0 留言
港女嘅醒神餐永遠離不開all-day breakfast，食材配搭豐富，啱哂貪心又有選擇困難嘅我，仲可以食得斯斯文文，特別要求太陽蛋要全熟，亦非常配合，加分。
榛子三重朱古力蛋糕
$18
14 瀏覽
0 讚好
0 留言
先生一入門口已經睇中咗櫥窗雪櫃入面嘅榛子朱古力mousse cake，蛋糕有幾層唔同嘅口感，特別係面頭嗰層，香濃細滑，榛子嘅味道非常突出，完全係幸福嘅滋味！
薄荷青檸梳打
$22
13 瀏覽
0 讚好
0 留言
青檸梳打大大杯，口感清爽，加上清新嘅薄荷葉零舍醒神，但味道略為偏甜。
紅莓汁
$8
11 瀏覽
0 讚好
0 留言
餐廳環境舒適，食物質素亦唔錯，特別係自家製嘅蛋糕，價錢相宜，水準居然出奇地高。餐廳仲有室外座位，似乎非常受歡迎，希望下次早少少嚟可以坐到，吹住海風享受美食，諗下都覺得寫意！
張貼
