水剌間

營業中

休息中

水剌間位於九龍城，係一間平價高質韓國餐廳。雖然埋藏喺泰國餐廳和火鍋店的街道裡，但依然有捧場客，所以好多時都要排隊等位。點解我會話覺得似返左韓國咁？因為有得坐喺地下食，哈哈！去韓國旅行啲餐廳成日都要坐地下食，喺香港呢間餐廳都有幾張枱係席地而坐。平日lunch set唔洗加一服務費，五十幾蚊好抵食。我叫左大醬湯，入面有蜆，翠肉瓜，薯仔，豆腐等等。大醬湯係有點辣，送飯食一流。附送既伴菜好味，份量亦多，有冬菇，泡菜，薯仔條。食完好飽好滿足。