唐述

營業中

休息中

老公生日揀咗呢間餐廳，因為佢有個同 Censu合作嘅四手晚餐。 十分之後悔選擇咗呢間餐廳。唔知係咪當晚有太多熟客還是其他原因，見到兩位主廚只係同熟客打招呼或者介紹餸菜。而我哋呢啲第一次光顧嘅客人、並未受到重視，餸菜嘅介紹，亦都冇其他熟客那麼詳細。。。食到中途廚師同埋團隊一齊出嚟敬酒，但係就只係揀某啲table打招呼。 同樣地好似冇人見到我哋一樣。原本安排咗壽包，但係最終都取消咗，因為老公實在好唔開心啲😔 佢仲話係呢個世紀食過最差嘅生日飯！明白親疏有別，但當差別太大嘅時候，會令到其他客人有點難受。取消壽包的時候同侍應反映是次用餐嘅經驗唔係太理想。之後經理都有過來了解情況，亦都話會反映返我哋嘅意見。佢之後再叫返兩個廚師過嚟同我哋打招呼。 雖然有啲為時已晚，但感謝經理處理我哋嘅投訴。食物味道固然重要，但係如果再上一層樓，我認為令到客人有賓至如歸嘅感覺亦都係不可或缺的一環。