名代宇奈備長炭燒鰻魚飯專門店 (iSQUARE國際廣場) (已結業)

曾幾何時係東京上野食過呢間名代宇奈，充滿住炭香的鰻魚，繞樑三日，令我念念不忘。咁岩最近名代宇奈係尖沙咀開左分店，今日我慕名而來。平日中午冇乜人唔洗排隊，隔住塊玻璃見到啲鰻魚已經流曬口水，呢度要齊人先可以入座，職員話鰻魚要等40分鐘左右先有，所以準備過來食鰻魚嘅朋友仔要預多少少食飯時間。我同朋友一人一個鰻魚重 上，再share一碟鰻魚天婦羅。鰻魚天婦羅（$58）炸物食得多，但從未食過炸鰻魚，急不及待咬落去，立即feel到熱辣辣，皮好薄好脆，好好食。鰻魚重 上（$138/個）鰻魚經過炭烤之後出左啲魚油，鰻魚好肥美好香，魚肉鮮甜嫩滑，食到炭香味但唔算強烈。飯量唔算好多，我覺得岩岩好，鍾意鰻魚多嘅感覺，食完已經好滿足，如果鰻魚可以再脆啲就真係滿分。