影片
更多
2023-01-25
85 瀏覽
講真，少會去到咁遠食嘢，不過係網上見到佢幾有摩登風格，就諗住去試吓，但係估唔到去到先知成間餐廳都唔算係好大，好似我二點幾去到嘅時候已經過咗午飯時間，所以唔係仲有好多客係到，所以坐落去都唔算逼夾，但如果係繁忙時間嘅話，就會有少少逼，如果唔鍾意逼夾就盡量要避開繁忙時間，同埋晏晝去嘅時候，因為出面陽光大，所以影出嚟嘅相冇夜晚影嘅咁好睇咁除咗店面細之外，佢嘅份量其實都好少，如果係大食少少都未必夠飽。咁我同朋友分別點了青咖哩蟹肉手製闊麵和汁燒鰻魚珍珠飯厚燒玉子，睇到都知份量唔多，所以想食飽啲可以叫扒，因為我見旁邊桌點牛扒就很大一份，一個人都未必食得晒咁同好多西餐廳一樣，一嚟先會上一個沙律，而佢嘅汁都係好常見嘅黑醋汁，不過就唔算落得好多，食到後半其實已經冇晒，同埋沙律菜又唔算話好新鮮，但係又唔係變黃嗰種，不過佢唔係主角，咁就唔想評價咁多，因為食唔食都唔重要。青咖哩蟹肉手製闊麵 $138可能睇圖唔係好睇得出，可能睇落去有少少似白汁，但係實則是上，佢嘅汁似好明顯嘅青色，食落去味道也不算好有咖喱味，而係椰汁同埋其他香料味比較重，但係又唔係好重口味，唔會好辣，係有少許嘅辣味減少醬汁膩嘅感覺；表面白色嘅就係
咁除咗店面細之外，佢嘅份量其實都好少，如果係大食少少都未必夠飽。咁我同朋友分別點了青咖哩蟹肉手製闊麵和汁燒鰻魚珍珠飯厚燒玉子，睇到都知份量唔多，所以想食飽啲可以叫扒，因為我見旁邊桌點牛扒就很大一份，一個人都未必食得晒
咁同好多西餐廳一樣，一嚟先會上一個沙律，而佢嘅汁都係好常見嘅黑醋汁，不過就唔算落得好多，食到後半其實已經冇晒，同埋沙律菜又唔算話好新鮮，但係又唔係變黃嗰種，不過佢唔係主角，咁就唔想評價咁多，因為食唔食都唔重要。
青咖哩蟹肉手製闊麵 $138
可能睇圖唔係好睇得出，可能睇落去有少少似白汁，但係實則是上，佢嘅汁似好明顯嘅青色，食落去味道也不算好有咖喱味，而係椰汁同埋其他香料味比較重，但係又唔係好重口味，唔會好辣，係有少許嘅辣味減少醬汁膩嘅感覺；表面白色嘅就係已經拆咗殼嘅蟹肉，份量都唔少，就算撈勻一齊食嘅時候，都可以好容易食到蟹肉，但唔知係唔係人手拆蟹嘅關係，我竟然食到有蟹穀🫢（不過味道方面真係唔係好食到到底係急凍蟹肉，定係新鮮蟹，因為蟹味唔重，好輕易就比青咖喱蓋過隻味）
手製闊麵可以好容易就把醬汁吸收，所以食落去嘅每一啖都係濃郁嘅青咖哩味，而菇菌嘅味道配上青咖喱也是意想不到嘅合適，所以整體來說味道不錯，同埋唔好因為佢細分就覺得唔夠飽，因為手製闊麵吸收晒啲醬汁，所以食完都有啲滯
汁燒鰻魚珍珠飯厚燒玉子 $138
你冇睇錯呀，係一間西餐廳之中，你竟然可以食到一道日式料理，同埋仲要好貼心咁樣俾埋筷子你，朋友都係抱住一個試伏嘅心態試吓，想知道到底依道餐品點解會被廚師放進餐牌上面，咁上枱碗飯個樣都正正常常，但係同成個環境好唔襯，顯得好奇奇怪怪咁；飯係日式那種珍珠米，所以吸收晒鰻魚汁嘅味道，本人就唔係好鐘意食鰻魚，但係又好鍾意食鰻魚汁撈飯，佢嘅鰻魚汁好明顯係平時你可以係超市可買到嗰啲，不過咁都好正常，唔係一間正宗嘅日本餐廳好少會自己煮鰻魚汁。除此之外，佢嘅鰻魚同厚燒玉子都係明顯嘅急凍貨，而且厚燒玉子仲要冇幫你翻熱，凍冰冰咁，成個感覺都係勁敷衍。
伏，我哋就幫你試咗啦，所以千祈唔好叫依個！！
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
張貼
