上海香港麵家

營業中

休息中

幫襯左佢哋好耐，每次經過都會買栥飯食。但係近來員工態度愈來愈差，好似唔憂做咁。事緣某日下午三點行經，打算買個外賣粢飯。當時有兩位員工如常在門口車仔檔包粢飯，咪同佢講‘唔該一個咸粢’。 兩位員工一個繼續剪油炸鬼，另一位繼續食嘢，完全聽唔到咁。等咗一陣，再講一次，繼續零反應。此時，另一位黑色衫員工舖內行出來，好肯定我同佢有眼神接觸，完全漠視我嘅存在，繼續同門口兩位員工傾計。 等咗一陣，忍唔住黑色衫員工講‘唔該，我叫咗好耐，要一個粢飯’。 終於有反應，斯斯然咁所檯面取一個一早巳包好的粢飯。找錢時仲同我講，等得耐咪唔好等囉！聽完之後，真係一肚子氣😡另外，目到一塊包粢飯布跌落地下，員工當冇事發生，執起放在架上繼續用😰今時今日咁嘅服務態度同衞生意識真係真心差。全港不只你一間粢飯店，我以後唔會再幫襯。