更多
2018-07-23
170 瀏覽
今日同朋友行開荷里活廣場,想搵啲嘢食又唔係好肚餓,行行吓見到呢間越南嘢,於是就入去試吓我哋叫咗兩碗金邊粉同兩杯0七首先係呢碗香茅豬扒金邊粉,開頭諗住啲豬扒會分開上,點知佢哋將豬扒放埋落碗湯粉入面,攪到啲豬扒林晒,最慘係無晒味朋友就叫咗碗生牛肉金邊粉,呢碗就似樣好多,啲牛肉又唔會俾啲湯攪到熟晒,而且份量都唔少,唔會得兩、三塊另外杯凍0七就無乜嘢,檸檬都有幾塊不過呢間嘢啲員工態度就麻麻哋,我哋叫佢攞咗碟辣椒粒同青檸,但嚟到就得好少,於是諗住叫佢加多少少,但竟然同我哋講要加錢,後尾要嘈到經理出嚟先俾多碟我哋,心諗如果一嚟嗰碟係正常份量,就唔洗加啦,但有圖有真相,唉。。。
張貼