Verde MAR (已結業)

食完真係一肚氣。見到好多正評，就諗住同朋友一齊去試下啦。叫左一份fajitas, 一份grilled adobo 同埋avocado fries,再加兩杯野飲。點知佢啲嘢食全部同一時間上，搞到張枱跟本無位擺。其實我張枱隔離有好多吉位，佢堅持唔比我哋用埋隔離張枱，要全部逼哂落嗰一張細枱度。食得勁辛苦。其中一杯野飲係horchata。只有甜味，cinnamon 味無乜。好似飲緊一杯加左糖嘅人咁。🤮avocado fries 又係無乜avocado味，得口感。👎🏻份grilled adobo beef 啲牛太硬，明顯煮得過老。👎🏻👎🏻得份fajitas算係好食。到埋單嗰下，佢竟然問我攞tips。我心諗，你全程無比過好嘅服務比我，落單又黑我面，竟然夠膽問我攞tips。仲要明明已經有加一。咁我就直接响部卡機度㩒NEXT。佢見到，就問我係咪㩒錯，叫我㩒返轉頭，要比tips比佢。我話無錯，我唔打算比extra tips。整個過程，都完全無笑過，一直黑住面問我攞tips。好彩最後成功堅持到！ 絕對唔值呢個價錢。