炙爐端燒 (已結業)

我之前都去過幫襯幾次，覺得食物質素都幾好。話說今晚我地四個人七點幾鐘去到，點左一D點菜單上面既野，同埋一D要另外口頭叫既野。等左一陣，另外口頭叫果D野就到啦，我地就好快咁食哂，然後繼續等。等左半個幾鐘，見到其他遲來既人都食左D我地叫左但未來既野，我地就問幫我地落單果個四眼姐姐，佢唔係好情願咁幫我地Check下，然後我發現佢表情有點疑惑，跟住佢就行埋來同我地講佢落錯左台號，就繼續做其他野，無理過我地，我地又繼續等啦......等左大約十分鐘，我地都仍然係見到果位姐姐將我地叫既食物送去其他人度，當正我地好似新入單咁等野食。一再追問另外一位侍應，佢再去Check一下，跟住佢又毫無歉意咁是但同我地講好快就到。如是者我地又等多十分鐘，一部份漏單既食物先至送到，最後我地都係等唔齊D食物就叫埋單啦......我地再Check張單，竟然發現左佢要將個價錢四捨五入，無端端收多我5毫子，我覺得好唔合理囉!唉，呢餐飯Total食左我地個幾鐘，成餐飯我地好似係度呆坐咁......走既時候好似冇食過野就餓住走......真係好無奈囉...總括來講，我覺得果個侍應冇落單米講囉，又係度賴三賴四。漏左單又唔叫人燒快D