坐忘 (已搬遷) 新店位置

年前食過鰂魚涌同九龍灣分店，知道佢主打無味精，少調味，欣賞理念同支持嘅。今日排隊天后分店，未入得時，店員問幾多位，我重有一位朋友嚟緊，店員只問咗句：’齊人未？’，冇提及齊人入座。到入座時，店員本身比咗位我哋，見我哋未齊人，只講咗句：’出番去先’我哋快快出番去，企門口嘅另一邊，比排隊隊但入座，到就快fill up晒啲位，我朋友喺對面等緊紅綠燈，我哋同店員講，唔好意思，佢喺對面喇，店員只係答：等陣最後當然fill up晒啲位，唔係問題，我估呢個係規矩啦（唔知呀，冇人話我聽㗎）。店員臨閂番度門前，同我哋講：企番去呢邊啦你哋（姐係去番排隊果邊），然後就閂咗門。我冇食過天后分店，留番比食過嘅大家評論味道。但我相信就算好好食，都可以專重人，態度好少少嘅，對人都冇尊重，又點談論食材同烹飪呢？