Gastrobox The Cameron (已結業)

從來都無寫過食評，今次真係好不快既經驗，所以比較長篇。 服務態度唔好，野食幾好味都唔會再黎。我係openrice 訂左5位6:00pm, 知道7點定7:30前埋單主菜有7折，朋友大約6點左右到左，侍應就話佢知要7:30pm交枱，因為有折扣。但有朋友要遲少少先到，我地就擔心唔夠時間食，有諗過轉場，侍應都有話如果之後未有新客人可以比我地遲少少交枱。我地先叫左兩個湯，邊飲邊等其餘兩位朋友。侍應就收晒其餘既匙羹，朋友6:40左右到，一坐低就問我地落得order 未，仲話提提我地既時間只係岩岩夠😑，點趕你只少都比1分鐘我朋友睇下餐牌掛😑。落單既時候，叫左兩份扒，兩份都要medium rare，唔係朋友講得細聲定侍應聽唔清楚，問左朋友2，3次係咪3成，朋友都有答佢，之後佢話佢要再覆單以免落錯，有一塊扒佢就落左5成，朋友話要3成。佢就重覆話，所以我要覆單囉😶 講到好似我地唔比佢覆單咁。之後問我地係咪share 我地話唔係，點知佢有同事分左D碟比我地🤔，佢就走黎問我地最後係咪要share, 我地話唔係，就即刻收返晒D碟😒點解好似又係我地做錯咁既，最後我地7:20pm就埋單走人，食完都唔覺自己食左餐飯。