影片
更多
2009-01-16
26 瀏覽
左上角：夏威夷果仁曲奇(四塊)先後食左2塊都冇咩印象，寫食評時再試一口，好香果仁味，仲有ｄ複雜既香味，其實幾好味，不過o係云云款式之中又難以令人留下深刻印象。上排左二：牛油酥條(八塊)好香、好鬆化上排左三：咖啡合桃曲奇(五塊)一致認為最好味呢款! 可惜亦係件數最少！佢o個種鬆脆好特別，隔離夏威夷果仁都好鬆脆，但係兩種口感好唔同！淡淡咖啡香同Jenny唔同。上排左四及下排左一：高纖五穀籽曲奇(八塊)同芝麻味口感好似，實淨D，同樣係好香，香味複雜D中排左及右：黑白芝麻曲奇(十一塊)daddy最唔鍾意既一款，因為佢唔鍾意芝麻XD佢話勁芝麻，鍾意既人會好鍾意。真係好香芝麻味，好似芝麻脆餅咁濃，帶有少許甘香(原來來自果皮)正中間黑色哈哈笑：朱古力曲奇(十四塊, 其中面頭2塊哈哈笑)唔係咁鍾意朱古力既我都覺得勁正!唔係咁鍾意食薄脆野既我對於佢既薄脆口感唔知點解異常受落!正中間金黃色哈哈笑：牛油杏仁片(十二塊, 其中面頭2塊哈哈笑)普通D，冇朱古力咁脆下排中間：川椒榛子曲奇(六塊)淨係食倒榛子味，我地兩個都食唔倒川椒，要上網睇返先知係佢；知道之後再食，食完之後又好似真係有少少少少辣辣地右下角：蛋香曲
先後食左2塊都冇咩印象，寫食評時再試一口，好香果仁味，仲有ｄ複雜既香味，其實幾好味，不過o係云云款式之中又難以令人留下深刻印象。
上排左二：牛油酥條(八塊)
好香、好鬆化
上排左三：咖啡合桃曲奇(五塊)
一致認為最好味呢款! 可惜亦係件數最少！佢o個種鬆脆好特別，隔離夏威夷果仁都好鬆脆，但係兩種口感好唔同！淡淡咖啡香同Jenny唔同。
上排左四及下排左一：高纖五穀籽曲奇(八塊)
同芝麻味口感好似，實淨D，同樣係好香，香味複雜D
中排左及右：黑白芝麻曲奇(十一塊)
daddy最唔鍾意既一款，因為佢唔鍾意芝麻XD佢話勁芝麻，鍾意既人會好鍾意。真係好香芝麻味，好似芝麻脆餅咁濃，帶有少許甘香(原來來自果皮)
正中間黑色哈哈笑：朱古力曲奇(十四塊, 其中面頭2塊哈哈笑)
唔係咁鍾意朱古力既我都覺得勁正!唔係咁鍾意食薄脆野既我對於佢既薄脆口感唔知點解異常受落!
正中間金黃色哈哈笑：牛油杏仁片(十二塊, 其中面頭2塊哈哈笑)
普通D，冇朱古力咁脆
下排中間：川椒榛子曲奇(六塊)
淨係食倒榛子味，我地兩個都食唔倒川椒，要上網睇返先知係佢；知道之後再食，食完之後又好似真係有少少少少辣辣地
右下角：蛋香曲奇(八塊)
未睇名已經食倒一種好熟悉既味道，係蛋黃！原來就叫蛋香曲奇～好好味呀～^0^
原來o個支過千蚊既油係雲呢拿油, 即香子蘭油
尋日晏晝去買都有貨, 朋友下晝已經買唔倒, 訂要初五先有@@
張貼
