影片
更多
2023-06-08
293 瀏覽
呢間快餐店裝修佈置到成間Cafe，小清新風格🌿，放咗好多可愛趣致嘅咕𠱸💕，夠闊落坐得好舒服！呢間小店感覺好chill，可以慢慢嘆番個burger，或者可以揀啲西式料理，好似牛扒嗰啲。佢賣嘅係快餐店嘢食，但比人chill chill的vibe又係佢另一個特色，都幾特別！由於小店人手比較有限，加上有唔少人係嚟外賣，所以出餐都需要啲時間～今次去試咗佢個lunch set，有burger同pasta可以揀，套餐仲包埋沙律/湯同埋嘢飲，另外都可以加錢upgrade小食同甜品，都幾抵食！個人覺得呢間嘢嘅漢堡包都做得唔錯，包體烘得幾香脆，又唔會話落咗好多醬，食落口嘅時候唔會濕淋淋咁，都仲有口感！------------------------------🥩◖煙燻慢煮牛腩漢堡◗ $128佢嘅漢堡有size可以揀，正常嘅有100g肉量，今次呢個揀咗大嘅，多一倍有200g肉，仲加咗$10要太陽蛋，超吸睛！漢堡包夾住厚厚嘅慢煮牛腩，肥瘦適中煮得幾軟腍，啖啖肉，口感方面真係幾特別，包裹住雞蛋漿，滑溜得嚟更有層次！🍔◖雙層手打牛肉芝士漢堡◗ $88自己加多咗$10要大啡菇，真係大推！大啡菇燒得好香，菇味濃郁
今次去試咗佢個lunch set，有burger同pasta可以揀，套餐仲包埋沙律/湯同埋嘢飲，另外都可以加錢upgrade小食同甜品，都幾抵食！個人覺得呢間嘢嘅漢堡包都做得唔錯，包體烘得幾香脆，又唔會話落咗好多醬，食落口嘅時候唔會濕淋淋咁，都仲有口感！
------------------------------
🥩◖煙燻慢煮牛腩漢堡◗ $128
佢嘅漢堡有size可以揀，正常嘅有100g肉量，今次呢個揀咗大嘅，多一倍有200g肉，仲加咗$10要太陽蛋，超吸睛！漢堡包夾住厚厚嘅慢煮牛腩，肥瘦適中煮得幾軟腍，啖啖肉，口感方面真係幾特別，包裹住雞蛋漿，滑溜得嚟更有層次！
🍔◖雙層手打牛肉芝士漢堡◗ $88
自己加多咗$10要大啡菇，真係大推！大啡菇燒得好香，菇味濃郁，好juicy多汁，同煎得稍微乾脆嘅牛肉漢堡扒好夾，唔會太乾又食到好濃郁嘅牛味，加上少少蜜糖芥末醬，香口味道有層次！
🦑◖魷魚圈◗ +$20
佢一份有三大舊，似係魷魚加咗啲薯仔再打成蓉咁拎去炸，食落冇魷魚嗰種彈牙嘅口感，但仲有幾軟滑，個人麻麻地～
🥤◖無糖可樂◗ 跟餐
🍋◖檸檬茶◗ 跟餐
🌟 Encore指數：8.6/10
張貼
