影片
更多
2020-12-29
882 瀏覽
是日同老友去銅鑼灣行街～中午喺朋友介紹下，揀咗灣仔樓上Cafe "Drip by social club" 食飯！本身只係為咗醫肚而去嘅心態，點知試完有驚喜！😲真係好好味，非賣廣告！😳餐廳主打意大利/法國菜，菜式以慢煮白肉為主，身為一個減咗廿幾年肥嘅人士，表示呢個Menu真係令人老懷安慰！據主廚阿Beat所講，餐單係為咗附近返工嘅OL而設計，一嚟OL們都較鍾意輕口味食物，二嚟亦想大家食得健康啲（好佛心呢！🥺）。不過慢煮、輕口味唔等於寡！通過合適嘅真空慢煮過程，食物會釋出最多嘅谷氨酸鈉，既原汁原味，質地及營養又係最佳狀態！齋食物原味已經夠正，再簡單加上橄欖油及各式香料去調味，食上口，味道比想像中豐富得多！✦ 40°C 三文魚呢個菜上枱嗰下，我跟朋友第一下反應係：咁生嘅？😂真的，成舊仲係粉紅色，同刺身差唔多wo！後來，阿Beat同返我哋講，原來佢哋用40°C嘅暖水，侵煮咗1.5小時！咁嘅情況下，魚肉會保持到刺身般嘅鮮嫩口味，但又同時好似熟三文魚咁入口即化。確實，質感如阿Beat所講咁奇妙！另外我仲好鍾意呢個菜有少少炸魚皮，呢個炸魚皮係取自返slow cook那舊三文魚，係阿Beat
是日同老友去銅鑼灣行街～中午喺朋友介紹下，揀咗灣仔樓上Cafe "Drip by social club" 食飯！本身只係為咗醫肚而去嘅心態，點知試完有驚喜！😲真係好好味，非賣廣告！😳
餐廳主打意大利/法國菜，菜式以慢煮白肉為主，身為一個減咗廿幾年肥嘅人士，表示呢個Menu真係令人老懷安慰！據主廚阿Beat所講，餐單係為咗附近返工嘅OL而設計，一嚟OL們都較鍾意輕口味食物，二嚟亦想大家食得健康啲（好佛心呢！🥺）。不過慢煮、輕口味唔等於寡！通過合適嘅真空慢煮過程，食物會釋出最多嘅谷氨酸鈉，既原汁原味，質地及營養又係最佳狀態！齋食物原味已經夠正，再簡單加上橄欖油及各式香料去調味，食上口，味道比想像中豐富得多！
40°C 三文魚
$118
76 瀏覽
0 讚好
0 留言
40°C 三文魚
$118
29 瀏覽
0 讚好
0 留言
呢個菜上枱嗰下，我跟朋友第一下反應係：咁生嘅？😂真的，成舊仲係粉紅色，同刺身差唔多wo！後來，阿Beat同返我哋講，原來佢哋用40°C嘅暖水，侵煮咗1.5小時！咁嘅情況下，魚肉會保持到刺身般嘅鮮嫩口味，但又同時好似熟三文魚咁入口即化。確實，質感如阿Beat所講咁奇妙！另外我仲好鍾意呢個菜有少少炸魚皮，呢個炸魚皮係取自返slow cook那舊三文魚，係阿Beat親手焗乾再炸架，無出面食到嘅炸魚皮咁膩，連魚肉食，又脆又嫩，口感別樹一格呢！
白酒蜆肉
$88
79 瀏覽
0 讚好
0 留言
白酒蜆肉
$88
84 瀏覽
0 讚好
0 留言
呢款就正常發揮，同出面食到嘅白酒蜆肉意粉差不多。抵讚個位係沙白蜆幾新鮮，無沙，肥美，基本上食材靚，菜式就不會出事。
慢煮雞胸·牛油果
$78
99 瀏覽
0 讚好
0 留言
✦ 慢煮雞胸·牛油果呢個菜同三文魚一樣，令我好驚喜。上枱嗰下，真係大份到令我同朋友呆了。😂一般點雞胸肉，都係得2-3塊，佢呢度至少有6-7塊！堆喺塊toast上，形成一座小山！😂
而且雞胸仲用咗60度暖水煮咗1個鐘，嫩口又Juicy，同平時我哋食嗰啲乾柴雞胸完全兩回事！呢個菜嘅醬汁都好惹味，阿Beat話佢用咗Julu滷水、醋，再加蛋黃醬煮成，呢種Creamy嘅酸甜味，令人好開胃呢。
至於toast就偏軟身，唔喺外面一般食到、硬到足以打死人嘅酸種包，連雞胸食，入口即化，真係啱晒！
Flower Tea
$30
50 瀏覽
0 讚好
0 留言
呢款茶，我估計用咗桂花、洋甘菊及薑汁製成，甘香得嚟有濃濃嘅薑辣味，驅寒一流！
P.S. 有朋友仔注意到我係環境上評分好低...因為我今日嚟，出面花園平台瘋狂鑽地，真係好嘈！😢而且餐廳其實係喺互動空間入面，時會有人出入開會、影相，說實話，用餐感覺係麻麻地。不過，餐廳有唔少梳化位，坐得係舒服嘅，加上北歐風裝修，打卡效果都唔錯。或者遲啲花園裝修好，成個感覺會好啲！
張貼
