影片
更多
2008-10-05
7 瀏覽
首先多謝openrice邀請我出席是次慢食意菜學堂, 本身未來過呢間餐廳, 但我對意大利菜同法國菜有濃厚興趣, 所以能有幸同其他食友參與, 深感開心和榮幸是次活動真係以慢煮慢食為主, 而且餐飲經理同大廚在當中穿梭介紹傾談, 令我地可以享受美食之餘, 亦可對意大利的飲食文化多一點了解先上focacia及grissini, focacia微暖, 軟熟而且有少許香草味, 配上olive oil 同balsamic vinegar食, 正宗之餘亦有水準是日的tasting menu有8道菜, first appetizer係軟芝士, 風乾牛肉卷配紅洋蔥, 火箭菜, 白菌沙律, 風乾火腿我地食得多, 但係風乾牛肉就未食過, 係香港亦比較少有, 牛比較淡口, 少左一份咸香, 但配上軟的mascarpone cheese, 味道竟然好夾, 真神奇, 而白菌同火箭菜已經變左大配角Second appetizer係炭燒日本凡立貝配椰菜花蓉, 凡立貝有好香的炭燒味, 根據大大廚所講, 凡立貝煮到半生熟最好食, 口感唔會過老, 而椰菜花蓉亦好特別, 食落去有d似薯蓉的感覺, 真係技術的表現Zuppe係意大利
是次活動真係以慢煮慢食為主, 而且餐飲經理同大廚在當中穿梭介紹傾談, 令我地可以享受美食之餘, 亦可對意大利的飲食文化多一點了解
先上focacia及grissini, focacia微暖, 軟熟而且有少許香草味, 配上olive oil 同balsamic vinegar食, 正宗之餘亦有水準
是日的tasting menu有8道菜, first appetizer係軟芝士, 風乾牛肉卷配紅洋蔥, 火箭菜, 白菌沙律, 風乾火腿我地食得多, 但係風乾牛肉就未食過, 係香港亦比較少有, 牛比較淡口, 少左一份咸香, 但配上軟的mascarpone cheese, 味道竟然好夾, 真神奇, 而白菌同火箭菜已經變左大配角
Second appetizer係炭燒日本凡立貝配椰菜花蓉, 凡立貝有好香的炭燒味, 根據大大廚所講, 凡立貝煮到半生熟最好食, 口感唔會過老, 而椰菜花蓉亦好特別, 食落去有d似薯蓉的感覺, 真係技術的表現
Zuppe係意大利菜雜湯, 係用8 種唔同的蔬菜煮成, 例如青瓜, 白豆, 但獨欠番茄, 所以比較淡口, 味道亦無咩特別
First primi piatti係ND蒜香,欖油, 辣椒有機意大利粉, 呢個意粉比平時果d粗些少, 但煮得有al dente而且有咬口, 味道亦夠辣, 但唔係來自辣椒, 而係落左大量的生蒜, 再加上欖油香, 實在美味
Second primi piatti係牛肝菌、鴨肉醬燴意大利飯, risotto煮得夠硬, 夠咬口, 非常正統, 而用上牛肝菌的香味配合鴨肉的肉味, 亦令到risotto含有濃香的味道, 食完真係想再食
First piatto principale係煙挪威三文魚配新薯及英國芫茜沙律, 三文魚用蘋果樹薰15分鐘後, 有非常濃烈的煙薰味, 魚煮得半生熟, 食落去唔腥同好滑溜, 煮得精彩, , 配上紅蕃石榴籽, 食得出廚師的功力同心思
Second piatto principale,係燒澳洲羊扒配香草、松子仁及燒蒜子, 羊扒大約煮到medium-well, 有些少血水, 但d肉質幾好, 無羶味, 配上焗香的香草同松子仁食, 算係做得有水準, 但我怕有口氣, 所以無食到燒蒜子
Dolici係青檸、蜜糖醃香蕉跟酸忌廉, 呢個甜品都幾有新鮮感, 香蕉配上曲奇餅碎, 蜜糖同sour cream, 酸酸甜甜, 可以減少飽飽滯滯的感覺
Coffee or tea我選擇左mocha, 但出奇地咖啡竟然係呢間意大利餐廳的弱項, 睇來要改善一下啦, 唔係客人係最後就會好失望, 可能會破壞整晚的印象!!
總結餐廳服務同食物都幾有水準, 但係希望唔係因為招呼我地呢次openrice tasting dinner先做得咁好, 以後都要keep住, 應該仲有進步空間
張貼
