富都茶餐廳 (已搬遷) 新店位置

大前日(28-9-2014 Sun)朝早起身後同男友,落荃灣食早餐,制到落o黎,間間都多人,唯有呢間冇人走至有位,我要$26.00o既自選雙拼早餐,要豬柳漢堡,德國脆腸通粉,加$2.00飲凍檸水.男友要$32.00o既歐陸早餐,要牛扒西煎雙蛋,加$2.00飲凍奶茶.落o左單,7分鐘後,男友o既凍奶茶至到o黎,1分鐘到我o既凍檸水.2分鐘後,我o既豬柳漢堡,德國脆腸通粉到o黎,但德國脆腸變o左美國腸仔,好,算數,因為落單時,亞姐覆我係腸仔,我冇矯正,係我o既錯.我就食得喇,腸仔好鹹,漢堡扒一般正常.,通粉軟硬適中,湯o既味道淡啲啲.我食到一半,男友o既牛扒西煎雙蛋歐陸早餐重未到o黎,有冇攪錯?同我o個份相差6分鐘至到o黎,我黐啖牛扒食,鹹鹹地係正常,但有調過味,不過調到唔知咩味,有啲怪,又煎到有啲實, 一般.服務:呢日侍應成日話假日多人,我o地明白,但其實最大原因係佢o地廚房唔夠人,呢日我唔介意慢慢食,只係仍o地自己累自己返枱返得慢.