影片
更多
2023-03-09
33 瀏覽
8/3 當晚為婆婆及女兒慶生兩大兩老兩童食物質素還ok，但服務態度超令我掉眼鏡。我自己都曾做過飲食業，自問正常唔會咁服務客人，請你地公司真係要正視問題及好好培訓員工。第1:除左常站門口既男主任/男經理態度溫和，其他樓面員工，無論男女人都無戴靈魂返工咁，戴住口罩都feel到係生無可戀咁既感覺，唔知以為發生咩事。第2: 食曬野，我叫樓面員工幫手執減d碟，因為想切cake影相無咁亂，男員工將成個灰色長方形下欄盆，裝污糟碟果個，放上我地張枱慢慢執..左右兩邊枱邊都放左一次第3:男員工清清下枱面d碟，整瀉杯野凍水， 好彩唔係熱水果杯，搞到老人家褲衫都濕埋，無員工過黎關心/拖地，果位男員工繼續執枱…第4:地下都濕曬，我驚老人家滑倒，即刻用枱面紙巾吸水，男主任/男經理見我用紙巾吸水，都無話黎拖地，仲問返我：仲使唔使要紙巾😅第5:男員工繼續清枱面碟，灰色長方形既下欄盆，裝污糟碟果個，內面有污水，因為男員工是繼續執枱面碟掉落去下欄盆，引致下欄盆污水彈落老人家度，你話啦，幾咁唔衛生可能大家會問，點解我當刻唔反應意見？我地開開心心黎慶生架 老人家仲要第1次食韓國嘢我唔想發曬癲 大吵大鬧 我好努力控制自己 我
兩大兩老兩童
食物質素還ok，
但服務態度超令我掉眼鏡。
我自己都曾做過飲食業，自問正常唔會咁服務客人，請你地公司真係要正視問題及好好培訓員工。
第1:
除左常站門口既男主任/男經理態度溫和，
其他樓面員工，無論男女人都無戴靈魂返工咁，戴住口罩都feel到係生無可戀咁既感覺，唔知以為發生咩事。
第2:
食曬野，我叫樓面員工幫手執減d碟，因為想切cake影相無咁亂，男員工將成個灰色長方形下欄盆，裝污糟碟果個，放上我地張枱慢慢執..左右兩邊枱邊都放左一次
第3:
男員工清清下枱面d碟，整瀉杯野凍水， 好彩唔係熱水果杯，搞到老人家褲衫都濕埋，無員工過黎關心/拖地，果位男員工繼續執枱…
第4:
地下都濕曬，我驚老人家滑倒，即刻用枱面紙巾吸水，男主任/男經理見我用紙巾吸水，都無話黎拖地，仲問返我：仲使唔使要紙巾😅
第5:
男員工繼續清枱面碟，灰色長方形既下欄盆，裝污糟碟果個，內面有污水，因為男員工是繼續執枱面碟掉落去下欄盆，引致下欄盆污水彈落老人家度，你話啦，幾咁唔衛生
可能大家會問，點解我當刻唔反應意見？
我地開開心心黎慶生架 老人家仲要第1次食韓國嘢
我唔想發曬癲 大吵大鬧
我好努力控制自己 我是一粒聲都無出過 仲好客氣唔該前唔該後
我都好明白做飲食業唔容易
但做客人無諗過對你地公司既觀感就係留低咁既回憶囉
希望你地做好服務 唔好再咁對待下一批客人
張貼
