秋田鐵板燒刺身專門店

營業中

休息中

同朋友過嚟一齊食飯，原來仲可以寫字慶祝生日或者其他日子🥳師傅問我哋有咩字寫，我哋就寫咗Friendship Forever🤣呢度服務態度好啲嘢又好食，大家要慶祝嘅時候都可以過嚟🌟*二人前套餐$1,150pp*🥗沙律入面加入蒟蒻粉絲好有口感。🐟味醂魚乾係店舖自家製嘅魚乾，非常入味，做餐前小食就好好食。🥚魚籽鵝肝蒸蛋嫩滑嘅蒸蛋加上香煎鵝肝，吸收晒佢啲油香。🦞鮮活龍蝦半隻龍蝦非常彈牙，配上蝦膏汁食海鮮味爆發。💦原隻鮮活南非鮑魚鮑魚用昆布同埋鹽焗一焗再燒同埋會比較鮮味，點上新鮮紫菜忌廉汁估唔到會咁惹味好食。🫧香煎北海道帆立貝刺身級嘅北海道帶子搽咗柚子味胡椒鹽，可以包紫菜或者包紫蘇葉去食。✨鹿兒島霜降和牛厚燒我就揀咗七成熟，油脂分布好靚，可以配Wasabi、蒜片、鹽昆布一齊食中和油脂感。🍚秋田炒飯入面有韭菜花粒、火腿、蔥、櫻花蝦、煙肉，炒飯超級乾身有咬口。🌱龍蝦清湯用鮮活龍蝦頭燒香煲湯，有海鮮味之餘唔油膩。🌸精選甜品紅豆銅鑼燒配芝麻雪糕，熱辣辣食好香，芝麻雪糕非常濃郁好多打碎左嘅芝麻。