魂 (已結業)

唔知係咪一齊耐咗，他對於食拉麵都開始有要求，不過我們上次來過呢度之後，耐不耐就好掛住，所以趁住返新崗位唔係好耐，工作量還應付得來的時間，再來呢度食個大家喜愛的拉麵。可能係仲可以較準時收工的關係，一入來仲未算人多，所以都坐得算鬆動，不過食到中途大半的坐位已坐滿了。因為呢日他要四圍去，所以點罐可樂消消暑。而我當然是熱飲，他知道我喜歡薑味，所以自動自覺為我點 桂圓薑母茶，暖暖地薑味不太重，味道又唔會太甜。太極拉麵望真 d 個湯底，真係一邊黑一邊白，好像太極圖案。而圖案上面有叉燒、流心蛋，仲有金箔呀~叉燒咬落軟淋淋，最正的就係隻流心蛋，輕輕咬開就會令到中間的蛋黃不斷流出來，口感是滑滑的。魂拉麵無論在麵質和配料方面，跟太極拉麵同樣的軟身和彈牙。最特別的一定是豚骨湯底，味道是濃濃的，而且飲落是不嗆喉的。烤日本味淋魚乾以前食過濕濕地的味淋魚乾，確實有點怕怕。但這個是以烤的方式，使得表面是很乾身，咬落去裡面是帶點 JUICY 唔乾，十分惹味。