影片
更多
2021-05-12
2678 瀏覽
位於將軍澳既呢間皇冠假日酒店入面既尚廚，今期既自助餐主打蟹腳，生蠔同鴨肝任食，呢三款都係食完可以回本既食物，既然係咁就試吓順便提早慶祝母親節啦～而呢間酒店既晚餐自助餐係有分兩輪，頭輪係由5點半食到7點半，而次輪就緊接住由7點半開始，初頭都覺得其實自助餐黎講食兩個鐘都夠飽，所以今次就揀左頭輪食啦～一入到去職員既服務態度好好，呢樣係抵讚既，而座位方面都算寬敞，但枱與枱之間既空間感覺上有小小逼，而拎食物既地方係一排過既，唯獨係甜品同雪糕同冷盤係分開既，而每次去拎食物果時都好多人排，我諗係因為個時間只係得兩小時，大家個心態都比較緊張，所以拎食物方面就比較逼啦～首先講下海鮮區，佢有蟹腳，龍蝦，螺，青口，沙白蜆同蝦等等，主要都係拎蟹腳為主，佢既蟹腳就未算係好肥美果隻，而蟹螯比較多，呢啲蟹肉比較少，亦比較難去剝啲蟹肉食，至於味道都唔錯，食到蟹既鮮味同海水味～而龍蝦食落就無乜鮮味，肉質亦比較霉，所以龍蝦既質素係比較差既～而蜆就食到有啲沙，感覺上都係一般般～然後係生蠔區，呢度既玩法係每次你要佢先會開比你，有個師父係度開同洗走啲蠔殼碎，但個師父開得比較慢小小，而又好多人拎，所以每次去拎都要排隊，即使係食左
而呢間酒店既晚餐自助餐係有分兩輪，頭輪係由5點半食到7點半，而次輪就緊接住由7點半開始，初頭都覺得其實自助餐黎講食兩個鐘都夠飽，所以今次就揀左頭輪食啦～
一入到去職員既服務態度好好，呢樣係抵讚既，而座位方面都算寬敞，但枱與枱之間既空間感覺上有小小逼，而拎食物既地方係一排過既，唯獨係甜品同雪糕同冷盤係分開既，而每次去拎食物果時都好多人排，我諗係因為個時間只係得兩小時，大家個心態都比較緊張，所以拎食物方面就比較逼啦～
首先講下海鮮區，佢有蟹腳，龍蝦，螺，青口，沙白蜆同蝦等等，主要都係拎蟹腳為主，佢既蟹腳就未算係好肥美果隻，而蟹螯比較多，呢啲蟹肉比較少，亦比較難去剝啲蟹肉食，至於味道都唔錯，食到蟹既鮮味同海水味～而龍蝦食落就無乜鮮味，肉質亦比較霉，所以龍蝦既質素係比較差既～而蜆就食到有啲沙，感覺上都係一般般～
然後係生蠔區，呢度既玩法係每次你要佢先會開比你，有個師父係度開同洗走啲蠔殼碎，但個師父開得比較慢小小，而又好多人拎，所以每次去拎都要排隊，即使係食左一個鐘後，生蠔區係仍然要排隊先有得拎，所以就效率較低啦～至於生蠔方面都幾大隻，而肉質亦比較厚，食落海水味幾重，以生蠔既質素黎講的確唔錯～
比較特別既係佢係有中東既果款烤肉食，呢樣的確係比外面既自助餐有啲唔同，佢係一整條掛住係烤爐度，有廚師企係度幫你切，呢樣係比較新鮮既👍🏻👍🏻
而其他熟食區既野食就只係一般水準，都係一啲常見既小菜，所以呢個區域令人想拎既意慾都唔大，比較特別小小既就係佢有辣酒煮花螺食，叫做有小小特色
而第二個重點就係煎鴨肝啦，呢樣野係幾搞笑既，因為佢唔係第一時間出既，係食左大約一個鐘之後先至出既，同埋佢每一次出既份量都唔多，而出既次數大概只係出左3-4轉，呢樣野感覺上就有小小唔抵啦，而佢既鴨肝的確幾厚，食落油脂香味好濃，口感亦好綿密同滑，唯獨係佢底下配搭既麵包太硬，基本上係比較難咬，亦都唔係十分脆，呢件多士就麻麻啦～
最後就係甜品區啦，佢既款式都算多，有藍莓芝士蛋糕，千層酥等等，味道都唔算太甜，size都合理，而雪糕方面就係haagen dazs既，口味都有好多款，而比較特別既係佢係有檸檬雪芭食，感覺上都幾多選擇，同埋都係由佢舀比你，想食乜就點乜～
總結黎講呢間自助餐既食物水準都算ok，但晚餐自助餐只係食得兩個鐘其實就唔多夠啦，雖然就一定夠飽，但食得都算非常之趕，而食客都可能因為食得兩個鐘既關係，大家都比較心急，而晚餐做兩轉的話餐廳職員都做得比較辛苦，呢方面就要諗諗啦～
張貼
