Goobne Chicken (M88) (已結業)

約好咗家人到中環食烤雞慶祝母親節，佢哋未食過韓式烤雞，當然要帶佢哋試試韓式烤雞嘅魅力。一行四人嚟到goobne, 環境幾好，一張六人枱自成一角，傾偈都好方便。點了無骨蜜糖芥末烤雞、炒粉絲雞蛋卷、海鮮煎餅、烤肉豬肋骨炒飯。炒粉絲雞蛋卷：雞蛋好滑，蛋香味濃，配以醬汁，好好味，小朋友食唔停口。海鮮煎餅：好香脆，而且可以食到不同海鮮，蔥、蔬菜亦有好多，口感很豐富。蜜糖芥末烤雞：因有小朋友嘅關係，叫咗一份無骨，依然好味，配上少少芥末，更添食物味道的層次。炒飯：底部有芝士，熱辣辣食時可以點下芝士，非常惹味，好飽肚。