力寶軒

營業中

休息中

提早幫朋友慶祝生日 揀咗嚟力寶軒飲茶我哋喺附近番工咁耐都係第1次嚟食店員服務態度好 特別係上菜嘅戴眼鏡姨姨每次上菜都好好笑容 🤗2個人唔知點解叫咗咁多嘢食🦑沙嗲蒸土魷好爽 唔會煮得好老唔使怕韌用薯仔粒墊底 唔同平時用蘿蔔口感幾得意🐷香芋豉味蒸排骨份量唔細 有埋陳村粉 夠晒飽肚肉嫩幾嫩滑🐤豉汁蒸鳳爪微辣 我哋2個至愛最鍾意啜腳趾🤣🐖叉燒包新鮮熱辣 包夠晒鬆軟 唔會癡住個咀啖啖都食到叉燒 蘿蔔絲酥餅炸得夠脆口 食到佢一層層酥皮入面再有一絲絲蘿蔔酥皮底仲有好多芝麻好有咬感 唔覺油膩蘿蔔糕面頭有好多蝦米配咗辣椒醬 食蘿蔔糕嘅精髓食落咬到粒粒蘿蔔 幾爽甜🍜魚蛋日本手打稻庭麵有魚蛋魚片 麵質彈牙湯底幾濃