星耀廳

為慶祝生日，同朋友買左個慶生PACKAGE，包早餐同晚餐自助餐。先講下星耀廳既環境，樓底夠高，減低左個壓迫感，而且乾淨舒服。晚餐自助餐係有3.5小時可以食，對於我黎講時間非常充裕。係食物方面，五花八門的食物。最多人食既一定係海鮮類啦，當日有龍蝦、蟹鉗、青口、蝦同小龍蝦等。龍蝦係最多人夾，但我自己就中意食蝦同蟹鉗多D，比較鮮甜，其他就普通，而且我最中意既長腳蟹腳當日係冇，都幾失望！另一樣，覺得好食既係剌身，雖然只有４款的選擇，包括三文魚、帶子、甜蝦及油甘魚。每款都係好肥美呀，特別係帶子!係講熟食之前，想講左甜品先，因為呢到既甜品區，比我想像多好多，有面包布丁，各種既蛋糕仔，果凍，雪糕等等。每款食一樣，都已經飽曬了。點解熟食會留番最後講，因為覺得係咁多區域黎講，算係比較普通，有炒飯、咖哩、牛扒等。印象比較深刻係燒蝦同燒菠蘿。其餘既都唔覺有咩太大既驚喜。但整過環境同食物質素都唔錯，食完仲可以番上樓上休息。