影片
更多
2021-08-29
7989 瀏覽
其實我真係好少俾負評，不過佢值得擁有。的確，呢間野網上嘅觀感喺環境靚，亦都係我當初揀佢既原因。可惜幫襯之後發現，完全唔係嗰回事。CP值低，服務更加差到值得俾一個負評。千祈咪比照片呃到！話說當日其實朋友同我dinner慶祝生日，晨早已經訂咗位，但係訂位期間其實冇問佢要室內定室外，不過都唔緊要。嚟到確認訂位之後唔知點解都仲要你企响門口等，即使無人排隊。佢鋪位嘅位置好大，除左中間嘅室外位置外，右邊個鋪位都係佢嘅。最後安排坐右舖一個完全冇景的室內位，都唔緊要，緊要嘅係：居然坐得不舒服！枱面位置比較少，仲要佢的座椅設計古怪，感覺張櫈分分鐘會反，朋友坐得非常不安心，需要不時調整坐姿。入座時才被告知限時90分鐘。菜式配搭比較古怪，有啲西式有啲泰式，講唔出佢係咩國家菜，咁我當喺多國菜啦，佢又好似樣樣都唔係好出色。想嗌一杯signature drink "Super Greenery"佢居然冇貨！失望！點菜期間個男侍應已經非常之寸同唔耐煩，雖然佢背得哂菜單號碼，但係個態度真係唔好，輕佻浮躁且高傲。朋友安排咗甜品寫字Happy birthday，個侍應俾左張紙佢寫字，然後明明表示ok咁收左張紙。最後上到嚟
話說當日其實朋友同我dinner慶祝生日，晨早已經訂咗位，但係訂位期間其實冇問佢要室內定室外，不過都唔緊要。嚟到確認訂位之後唔知點解都仲要你企响門口等，即使無人排隊。
佢鋪位嘅位置好大，除左中間嘅室外位置外，右邊個鋪位都係佢嘅。最後安排坐右舖一個完全冇景的室內位，都唔緊要，緊要嘅係：居然坐得不舒服！枱面位置比較少，仲要佢的座椅設計古怪，感覺張櫈分分鐘會反，朋友坐得非常不安心，需要不時調整坐姿。入座時才被告知限時90分鐘。
菜式配搭比較古怪，有啲西式有啲泰式，講唔出佢係咩國家菜，咁我當喺多國菜啦，佢又好似樣樣都唔係好出色。想嗌一杯signature drink "Super Greenery"佢居然冇貨！失望！
點菜期間個男侍應已經非常之寸同唔耐煩，雖然佢背得哂菜單號碼，但係個態度真係唔好，輕佻浮躁且高傲。
朋友安排咗甜品寫字Happy birthday，個侍應俾左張紙佢寫字，然後明明表示ok咁收左張紙。最後上到嚟個甜品係一個字都冇寫就咗送上嚟！成件事就係壽星我面前發生，所以寫紙嚟做乜？係咪玩嘢？
我話算啦費事廚房加料，就咁食吧。
綠茶脆皮梳乎厘＄128
綠茶脆皮梳乎厘
42 瀏覽
0 讚好
0 留言
就係哩個甜品啦，上台一下我就問：字呢？
食就ok既，兩個人勉強食得哂，但好膩，個皮未去到話“脆”既程度，配左煉奶，感覺同焗麵包味道差唔多，只係soft d。空氣感都算足夠，但係擺耐小小中間就開始坍塌。
蟹肉牛油果沙律＄168
蟹肉牛油果沙律
36 瀏覽
0 讚好
0 留言
我覺得全餐最好食已經係哩個，牛油果入口比較creamy。同蟹肉亦都幾match，中間仲有啲粟米粒。有三片好脆既法包，夾埋一齊食口感好正。
秘製海南雞燴意大利飯＄168
啲雞肉有啲實淨，部位方面冇俾到雞脾，然後個意大利飯好濕好水，去到有啲發漲程度，同埋意大利飯配番嗰啲海南雞汁有啲奇怪。成件事唔係好夾。
香炸蜜糖單骨雞翼$88
香炸蜜糖單骨雞翼
36 瀏覽
1 讚好
0 留言
啲雞肉比較瘦削，炸得有啲乾柴，可能生前挨過餓黎，唔特別。同埋咁樣幾隻雞翼收呢個價真係謀取暴利。
四季薄餅Four Season pizza＄168
四季薄餅
23 瀏覽
0 讚好
0 留言
諗住一款試晒唔同口味，點知成件事錯嘅，喺一個伏黎，好唔推介哩個pizza。有兩款茄底嘅pizza喺近乎冇配料，而且食落味道好相似，就係唔太好食。作為薄批，卻不脆，好軟。假如要揀pizza的話，建議揀雜菌黑鬆露芝士薄餅，比較無伏。
雜莓奶昔Berry Berry $58
冇咩特別，唔酸，OK。順帶一提，佢地服務真係唔係咁好，除咗啱啱講甜品寫字甩漏之外，全餐無人加水，舉手勁耐冇人理，哩啲都小事。
遠遠未到90分鐘已經迫人埋單＋開聲趕人走，現場仲有大把位喎埋單又走錯去隔離枱，真係有點哭笑不得。客戶體驗極度惡劣。以K11 Musea哩個位，加埋冇飲酒情況下，人均消費接近500蚊，佢俾啲咁嘅服務真係唔OK。
二人埋單接近一千蚊，重點係我唔覺得食過D咩值錢野，或者好好食嘅嘢。景又冇，冇野好打卡，服務更加喺差，同人黎食簡直係一個風險。睇完其他人嘅食評，似乎唔少人都比佢嘅服務震撼到。I'm not alone. 其實我真係好少俾負評，不過佢值得擁有。
張貼
