影片
更多
2023-09-24
16 瀏覽
今日同朋友偶然發現到呢間係尖沙咀新開嘅Restaurant & Bar，食物同環境氣氛都好好，但唔知係因為新開，定因為佢係樓上鋪唔係地舖，人流並唔多，所以好想推介俾大家。餐廳嘅設施應有盡有，飛鏢機、桌球枱、Peer Pong、亦有大量嘅電視，可以睇波睇馬，更加有live Band，成個環境氣氛好好。 Lamb Skewers 串燒 -羊肉 （$88） & Pork Skewers 串燒 - 豬肉（$68）擼串配酒簡直係絕配，同埋估唔到佢嘅串燒都幾出色，調味調得好好，好惹味，有啲似大陸風味嘅串燒，但佢孜然味冇咁重，反而味道更豐富。羊肉串非常嫩非常稔；豬肉串肥瘦相間，食得好滋味。辣醬松露海鮮意大利麵（$168）呢個真係要大推，冇諗過一間Bar嘅主食係咁好食，仲好食過出面好多Cafe，而且價錢唔貴。成個意粉好Creamy好掛汁，有啲似食緊卡邦尼，松露味好突出，辣醬好香好惹味，青口亦都幾大隻，真係令人食到津津有味。 秘製脆炸雞翼（$88）呢個炸到熱辣辣上枱，係熱到咬開會被肉汁燙到嘅程度，雞翼香脆，而且咬開幾Juicy，但可能先前食完串燒太惹味，覺得呢個調味有啲不足。 Matcha Pun
餐廳嘅設施應有盡有，飛鏢機、桌球枱、Peer Pong、亦有大量嘅電視，可以睇波睇馬，更加有live Band，成個環境氣氛好好。
Lamb Skewers 串燒 -羊肉 （$88） & Pork Skewers 串燒 - 豬肉（$68）
擼串配酒簡直係絕配，同埋估唔到佢嘅串燒都幾出色，調味調得好好，好惹味，有啲似大陸風味嘅串燒，但佢孜然味冇咁重，反而味道更豐富。羊肉串非常嫩非常稔；豬肉串肥瘦相間，食得好滋味。
辣醬松露海鮮意大利麵（$168）
呢個真係要大推，冇諗過一間Bar嘅主食係咁好食，仲好食過出面好多Cafe，而且價錢唔貴。成個意粉好Creamy好掛汁，有啲似食緊卡邦尼，松露味好突出，辣醬好香好惹味，青口亦都幾大隻，真係令人食到津津有味。
秘製脆炸雞翼（$88）
呢個炸到熱辣辣上枱，係熱到咬開會被肉汁燙到嘅程度，雞翼香脆，而且咬開幾Juicy，但可能先前食完串燒太惹味，覺得呢個調味有啲不足。
Matcha Punch（$128）
呢杯Cocktail係集美貌與味道於一身，好啱女仔嘅口味，綠茶與清酒融為一體，酒味唔會太濃，味道清新淡雅，好易入口。
Brandy Alexander ($108)
朋友本身好鍾意啲奶類嘅酒，見到Brandy Alexander 時雙眼即發亮好想試，呢杯雞尾酒主要有 cognac, cocoa liqueur同埋牛奶，好易入口，唔會好重酒精，好似飲緊甜品咁，鍾意牛奶類飲品嘅可以一試。朋友仲諗定下次再嚟嘅話想試埋另一款奶類 cocktail - All Day Long 🤭
張貼
