麵屋武蔵 武骨相傳 (朗豪坊)

營業中

休息中

今日食飯去咗朗豪坊，行過見到依間拉麵店，好似幾好，加上唔洗排隊直入，於是就去咗Try Try😗。坐底之後，店員就會提供QR Code，用佢嚟落單。-🍴二刀流拉麵🍜(香濃豚骨湯)($90)因為本人唔食蔥同荀，所以叫咗唔上🙊。二刀流包咗兩款唔同嘅肉，分別係豚角同叉燒，拉麵仲有半隻溏心蛋🥚。湯底都幾濃，餐牌上寫住選用咗大量豚骨、小魚乾🐟、貝柱同蔬菜而煮成，好足料🤓。溏心蛋亦都好好食😋，不過兩款肉類就麻麻地，首先叉燒雖然都幾厚身，不過正正因為厚身而令到有啲難咬，其次豚角望落幾靚，一層肥一層瘦，但係好鹹😐。-🍴相傳煎餃🥟($48)煎餃有5隻，味道正常，冇咩特別😂。